Month: 2014 ستمبر

حیدرآباد /24 ستمبر ( سیاست نیوز ) کاچی گوڑہ ریلوے پولیس حدود میں پیش آئے ٹرین حادثات میں دو افراد بشمول ایک خاتون ہلاک ہوگئی ۔ کاچی گوڑہ ریلوے پولیس نے بتایا کہ 22 سالہ محمد اختر جو پیشہ سے لیبر تھا ۔ شیورام پلی علاقہ کا ساکن بتایا گیا ہے ۔ وہ بدویل اور شیورامپلی کے درمیان ریلوے لائین کو عبور کرنے کے دوران ٹرین کی زد میں آکر ہلاک ہوگیا ۔

حیدرآباد /24 ستمبر ( سیاست نیوز ) اپل کے علاقہ میں ایک شخص نے مشتبہ طور پر خودکشی کرلی ۔بتایا جاتا ہے کہ 60 سالہ کرشنا ایا جو چلکا نگر علاقہ کا ساکن تھا پیشہ سے ترکاری فروشی کرتا تھا ۔ کل اس شخص نے نامعلوم زہریلی دوا کا استعمال کرلیا اور خودکشی کرلی ۔ پولیس ذرائع کے مطابق کرشنا ایا خرابی صحت سے پریشان تھا ۔ پولیس مصروف تحقیقات ہے ۔

حیدرآباد /24 ستمبر ( سیاست نیوز ) سائبرآباد حدود میں پیش آئے سڑک حادثات میں تین افراد ہلاک و دیگر زخمی ہوگئے ۔ اپل پولیس کے مطابق 30 سالہ کے پرشانت ریڈی جو اپل کے ساکن تھا ۔ تاجر بتایا گیا ہے وہ کل شام سڑک عبور کرنے کے دوران لاری کی زد میں آکر ہلاک ہوگیا ۔ پیٹ بشیرآباد پولیس کے مطابق 48 سالہ وینکٹایا جو پیشہ سے لیبر تھا کومپلی کے علاقہ میں

حیدرآباد /24 ستمبر ( سیاست نیوز) کوکٹ پلی پولیس نے ایک پانی کے سمپ سے نعش برآمد کرلی ۔ بتایا جاتا ہے کہ پولیس نے اس نعش کی شناخت 25 سالہ ٹی وجئے کی حیثیت سے کرلی ہے جو پیشہ سے مزدور بتایا گیا ہے ۔ جو کوکٹ پلی میں رہتا تھا ۔ وہ کل پانی کے سمپ میں گر گیا تھا تاہم وہ خود گر گیا یا پھر کسی نے اسے ڈھکیل دیا پولیس اس بات کی تحقیقات کر رہی ہے ۔