یوپی۔ تین مولویوں کے ساتھ ٹرین میں مارپیٹ‘ رومال کیو ں اوڑھتے ہو‘ حملہ آوروں کا اسرار

باغپت‘ اترپردیش۔ پولیس نے آج بتایا کہ چلتی ٹرین میں نامعلوم لوگوں نے تین مسلم علماؤں پر مبینہ حملہ کیا جس کی وجہہ سے تینوں زخمی ہوگئے۔

ایس پی باغپت جئے پرکاش سنگھ نے کہاکہ پچھلی رات دہلی سے مسافر ٹرین میں سوار مولویوں کو جب وہ اپنے گاؤں باغپت کے طرف جارہے تھے اسی دوران کچھ لڑکوں سے تینوں کی بحث ہوئی جس کے بعد ان لڑکوں نے مبینہ طور پر ان کے ساتھ مارپیٹ کی۔

انہوں نے کہاکہ بعد ازاں متاثرین اور ان کے کچھ حامی امحادیہ اسٹیشن پر اترے اور احتجاج کیا اس کے علاوہ واقعہ کے خلاف چھ نامعلوم افراد کے خلاف باغپت کوتوالی پولیس اسٹیشن میں ایک مقدمہ درج کرایا۔

کہاتو یہ بھی جارہا ہے کہ تین مولویوں ’’گلزار‘ اسرار او رابرار کو وہیں پر ٹرین میں سے دھکے مار کر اتاردیا گیاہے ‘ مگر پولیس نے اس بات کی توثیق نہیں کی ہے ۔

باغپت کوتوالی انچارج بی کمار نے کہاکہ معاملے ریلوے پولیس کو منتقل کردیاگیاہے

 

Leave a Comment