لاہور، 27 دسمبر (سیاست ڈاٹ کام) بد عنوانی کے معاملے میں سات برس کی سزاپانے والے پاکستان کے سابق وزیر اعظم نواز شریف سے جمعرات کو یہاں کی کوٹ لکھپت جیل میں ان کی ماں، بیٹی اور پارٹی کے رہنما ملاقات کے لیے پہنچے ۔ پیر کے دن بدعنوانی کے معاملے میں پاکستان کے قومی احتساب بیورو نے نواز شریف کو سات سال کی سزا سنائی تھی۔ انھیں راولپنڈی کی اڈیالہ جیل سے منگل کے روز لاہور کی کوٹ لکھپت جیل میں لایا گیا۔ پاکستان کی نیشنل اسمبلی کے سابق صدر ایاز صادق اور پاکستان مسلم لیگ نواز کے رہنما رانا تنویر بھی نواز شریف سے ملنے کوٹ لکھپت پہنچے ۔ انہوں نے دعویٰ کیا کہ فیصلے میں نواز شریف نے مالی بد عنوانی سے متعلق الزامامت کی تفصیل نہیں ہے ۔ پارٹی نے سابق وزیر اعظم کے قانون پر عمل کرنے کی تعریف کی۔ انہوں نے کہا،‘ تین بار ملک کے وزیر اعظم رہے نواز شریف مشترکہ تحقیقاتی ٹیم کے سامنے پیش ہوئے ، اس سے پہلے ایسا کسی نے نہیں کیا اور مستقبل میں بھی کوئی نہیں کرے گا۔ رانا تنویر نے دعویٰ کیا کہ پاکستان مسلم لیگ نواز، سیاسی منافرت کی زد میں ہے ۔ انہوں نے عمران حکومت پر دوہرا رویہ اختیار کرنے کا الزام عائد کیا۔
