جئے پور: چار پولیس اسٹیشن حدود میں اس وقت کرفیو نافذ کردیا گیا جب مقامی لوگوں اور پولیس کے درمیان کشیدگی کے دوران ایک موت اور درجنوں زخمی ہوئے۔
واقعہ اس وقت پیش آیا جب جمعہ کی رات کو عام طور پر کی جانے والے پولیس چیکنگ کے دوران ایک پولیس کانسٹبل نے مبینہ طور پر موٹر سیکل پر جاری ایک جوڑے کے ساتھ بدسلوکی کی۔دینک بھاسکر کی خبر ہے کہ ساجد نامی شخص اپنے اہلیہ اسرا اور بیٹی کے ساتھ موٹر سیکل پر جارہاتھا۔
ان کا الزام ہے کہ پولیس جوان نے مبینہ طور پر مسلم خاتون اور موٹر سیکل پر سوار ان کی بیٹی کو لاٹھی سے مارا۔
Ramganj violence: Locals say police were hustling carts and vendors when a baton hit a woman's hand; she sustained a fracture | @htTweets
— Salik Ahmad (@inker_salik) September 8, 2017
1 policeman lost his life, 10 injured in a clash with locals after a policeman allegedly hit a woman in Jaipur's Ramganj.Curfew imposed pic.twitter.com/4kRvOO29RF
— ANI (@ANI) September 9, 2017
#LatestVisuals from Jaipur after violent clash between locals and police yesterday, curfew has been imposed pic.twitter.com/tC7p0g4373
— ANI (@ANI) September 9, 2017
عینی شاہدین کے مطابق کچھ منٹوں پر سینکڑوں لوگ رام گنج پولیس اسٹیشن کے روبرو جمع ہوگئے نعرے بازی شروع کردی۔
پولیس نے ہجوم کو منتشر کرنے کی کوشش کی مگر وہ ناکام رہی ‘ جب حالات بے قابو ہوگئے تو پولیس نے لاٹھی چارج کیا۔ پولیس نے ہجوم کو منتشر کرنے کے لئے ہوائی فائیرنگ کا بھی سہارا لیا جس میں ایک شخص جس کی شناخت محمد رائیس کی حیثیت سے کی گئی ہے کی موت واقعہ ہوگئی۔
جئے پور پولیس کمشنر سنجے اگروال نے بتایا کہ’’ پولیس کانسٹبل اور موٹرسیکل سوار جوڑے کے درمیان میں پچھلے رات کو پیش ائے ایک معمولی نوعیت کا واقعہ کے بعد پولیس اور مقامی لوگوں کے درمیان میں تصادم پیش آیا‘ جس کے پیش نظر رام گنج علاقے میں ایک بجے سے کرفیو نافذ کردیاگیا ہے‘ جہاں پر یہ کشیدگی کا واقعہ پیش آیاتھا‘‘۔
دیگر علاقوں میں بھی پتھر بازی کے واقعات پیش انے کی اطلاعات کے بعد حالات کو قابو میں لینے کے لئے پولیس کا کافی مشقت کاسامنا کرنا پڑا۔ آنسو گیس کا بھی استعمال کیاگیا ہے اور ضلع انتظامیہ نے چار پولیس اسٹیشنوں کے حدود میں کرفیو نافذ کرنے کا بھی اعلان کردیا۔
احتیاطی تدابیر کے طور پر رات دوبجے سے شہر کے کچھ حصوں میں کرفیو نافذ کرنے کے ساتھ انٹرنٹ سہولتیں بھی بند کردی گئی ہیں۔سٹی کمشنر سنجے اگروال نے کہاکہ ’’ اگلے اعلان تک مانک چوک‘ سبھاش چوک‘ گلٹا گیٹ‘ رام گنج پولیس اسٹیشن میں اگلے اعلان تک کرفیو جاری رہے گا۔
انہوں نے مزیدکہاکہ پچھلے رات پیش ائے تشدد کے واقعہ میں ناصرف پولیس اسٹیشن پر حملہ کیاگیا بلکہ گاڑیاں بھی نذر آتش کرنے کے واقعات پیش ائے ہیں‘‘۔
علاقے کے دوسرے حصوں میں تعلیمی ادارے او راسکولس بھی ہفتہ کے روز بند رہے۔