بغداد۔/31ڈسمبر، ( سیاست ڈاٹ کام ) وسطی بغداد میں ایک مارکٹ کو نشانہ بناتے ہوئے کئے گئے دو خودکش دھماکوں میں کم سے کم 28 افراد ہلاک اور دیگر 54زخمی ہوگئے اور جہادی گروپ اسلامک اسٹیٹ ( داعش ) نے ان حملوں کی ذمہ داری قبول کرلی ہے۔ تفصیلات کے مطابق کاروں کے پرزے ، غذائی اشیاء، ملبوسات کے علاوہ زرعی مشنری اور تخم کی فروخت کیلئے مشہور السنیک مارکٹ میں آج صبح یہ دھماکے ہوئے۔ پولیس نے ابتدائی تحقیقات کے بعد نتیجہ اخذ کیا ہے کہ جڑواں دھماکے دو خودکش بمباروں کی کارستانی کا نتیجہ ہے۔
