ایم اے حمید
ہائی اسکول کے طلباء و طالبات کو دوران تعلیم جنرل نالج میں اضافہ اور مستقبل کے مسابقتی امتحانات کی تیاری اور عصر حاضر کی معلومات کے ساتھ ایک مقصدی مسابقتی مقابلہ کے انعقاد کرنے کیلئے دونوں شہر حیدرآباد / سکندرآباد اور رنگاریڈی کے اسکولی طلبہ کیلئے ایک سالانہ کوئیز پروگرام کا آغاز جنوری 1988 ء میں کیا گیا اور اس کو اسپانسر کرنے کیلئے مشہور چائے کمپنی لاسا چائے لمسا چائے کے مینجنگ پارٹنر درویش غیاث الدین نے شخصی دلچسپی لیتے ہوئے اس کا بیڑہ اٹھایا ۔
اور سال 1988 ء سے ہر سال پابندی کے ساتھ ’’ لاسا لمسا کوئیز ‘‘ مقابلہ ماہ جنوری / فبروری میں منعقد ہوتا آرہا ہے ۔ 2012 ء میں 25 سال کی تکمیل پر سلور جوبلی سالگرہ منائی گئی تھی اور الحمد اللہ اس سال 2016 ء میں یہ کوئیز 29 ویں سال میںد اخل ہوچکا ہے اور کوئیز دو دن پہلے دن پریلمنری راؤنڈ اور دوسرے دن فائنل کوئیز تقسیم انعامات منعقد ہوتا ہے اس کوئیز کی یہ منفرد خصوصیت ہیکہ اس میں حیدرآباد / سکندرآباد کے تقریباً تمام نامور اور معیاری اسکولس نے بڑے جوش و خروش کے ساتھ حصہ لیا اور اس میں شرکت بالکلیہ مفت ہوتی ہے ہر شریک طالب علم کو سرٹیفیکٹ اور ترغیبی انعامات دیئے جاتے ہیں ۔ درویش غیاث الدین نے ذاتی اور خصوصی دلچسپی لی ہے ان کے ساتھ ان کے برادر درویش انیس احمد اور نثار احمد شکیل کے علاوہ ان کے ہونہار فرزندان دوریش شاہد ، درویش خالد کی دلچسپی شامل ہیں ۔ اس کوئیز کو معیاری بنانے اور دلچسپ بنانے میں بھرپور تعاون کرتے ہیں ۔ اس کوئیز کی یہ خصوصیت ہیکہ اس میں پرانے شہر کے اسکولس کے طلباء کو خاص طور پر موقع دیا گیا ہے ۔ ابتداء میں یہ کوئیز پرانے شہر کے اسکولس کیلئے الگ اور نئے شہر کے اسکولس کیلئے الگ الگ ہوتے لیکن فائنل کوئیز میں مقابلہ میں توازن برقرار نہ ہونے کی بناء اس کو ایک دن کردیا گیا اور دیگر کوئیز مقابلے جو حیدرآباد / سکندرآباد میں ہوتے ہیں ان میں جن اسکولس کو موقع نہیں ملتا وہ موقع لاسا لمسا کوئیز میں دیا جاتا ہے ۔یہ کوئیز مقابلہ چونکہ لڑکے اور لڑکیوں کیلئے الگ الگ ہوتا ہے اور ہر سال دو اسکولس فاتح رہتے ہیں۔ اس طرح 27 سال میں 54اسکولس کو اس کے فاتح Winners ہونا کا اعزاز حاصل رہا ہے ۔ فاتح اسکولس جنہوں نے کوئیز شیلڈ حاصل کی ۔ ان میں حیدرآباد پبلک اسکول ، بھارتیہ ودیا
بھون جوبلی ہلز لٹل فلاور اسکول ، روزری کانونٹ عابڈس ، مدینہ پبلک اسکول ، بوسٹن مشن ہائی اسکول تاڑبن آل سینٹ ہائی اسکول ، سینٹ اینس اسکول ، ہولی میری ہائی اسکول ، آدمس ہائی اسکول ملک پیٹ ، سینٹ انتھونی اسکول ، گیتان جلی اسکول ، نصراسکول ،سنٹرل ہائی اسکول ، مہاتماگاندھی میموریل اسکول ، DAV اسکول ، دوارکا ہائی اسکول ، کیندریہ ودیالیہ ، HPS رامنتا پور کے علاوہ کئی اسکولس ایسے ہیں جنہوں نے اس کو ئیز میں گذشتہ 28 برسوں سے ہر سال پابندی کے ساتھ حصہ لیا ۔ یہ کوئیز کی ایک اور خصوصیت یہ ہیکہ کوئیز کے فائنل کیلئے 6 لڑکوں کی اور 6 لڑکیوں کی ٹیموں کو فائنل کیلئے منتخب کرتے ہوئے فائنل کوئیز اور جلسہ تقسیم انعامات کسی ہوٹل کے کانفرنس ہال میں منعقد کیا جاتا ہے چنانچہ پہلا کوئیز فائنل ہوٹل راجدھانی میں ہوا تھا اس کے علاوہ جن ہوٹلس میں کوئیز فائنل مقابلے ہوئے ان میں ہولڈایمرالڈ ، ہوٹل گولکنڈہ ، ہوٹل پیالیس ہائٹ ، ہوٹل ہرشا ، ہوٹل ووڈ برج سال گزشتہ ہوٹل تاج میں ہوا ۔
پروفیسر نریندر ناتھ کوئیز ماسٹر
کوئیز کے انعقاد کیلئے سب سے اہم کام کوئیز ماسٹر کا ہوتا ہے ۔ کوئیز کا آغاز کنوینر ایم اے حمید اور ان کے ساتھیوں طاہر شریف ، انور شریف نے کیا تھا، کوئیز ماسٹر کے فرائض نامور کوئیز ماسٹر اور مینجمنٹ اسٹڈیزکے پروفیسر نریندر ناتھ کے خدمات حاصل کئے گئے جو عثمانیہ یونیورسٹی کے بعد ان B اسکول IPE سے وابستہ ہیں ۔ اس کوئیز کے متعلق پروفیسر نریندر ناتھ نے بتایا کہ وہ اپنے بچوں کو جو وہ اسکول میں زیرتعلیم تھے اس وقت سے پابندی کے ساتھ اس کوئیز میں شرکت کرتے ہیں جو پابندی کے ساتھ ہونے والا منفرد کوئیز ہے ۔ کوئیز میں اسکولی بچوں کو ان کے ذہنی سطح کے مطابق دلچسپ سوالات جنرل نالج اور حالیہ امور کے پوچھے جاتے ہیں جو اس مقابلہ کے کامیاب انعقاد کا ضامن ہے ۔
سال 2016 ء کا کوئیز مقابلہ 13 فبروری کو مقرر
سال 2016 ء کا 29 واں سالانہ لاسالمسا کوئیز مقابلہ 13 فبروی ہفتہ کو صبح 9.30 بجے تلگو یونیورسٹی کے این ٹی آر آڈیٹوریم پبلک گارڈن روبرو حج ہاوز نامپلی پر رکھا گیا ہے ۔ جس میں کسی بھی اسکولس کے لڑکے / لڑکیاں حصہ لے سکتی ہیں اس میں تحریری پریلمنری رؤانڈ کے ذریعہ فائنل کوئیز کی ٹیموں کا انتخاب کیا جائے گا ۔ فائنل کوئیز اتوار 14فبروری کو دو بجے دن پیالیس ہائٹ عابڈس پرمقرر ہے ۔
اسکولی طلبہ کی مفت شرکت
کسی بھی اسکول میں زیرتعلیم لڑکے / لڑکیوں کیلئے جو ساتویں تا دسویں جماعت میں ہو اپنے ایک ساتھی کے ہمراہ دو رکنی ٹیم کا حصہ بن کر شریک ہوسکتے ہیں داخلہ بالکل مفت ہوتا ہے ۔ ہر شریک طالب علم کو سرٹیفیکٹ کے ساتھ ترغیبی انعامات ، تحفائف دیئے جاتے ہیں اس میں شرکت کیلئے نام 040-24510012-65552338 پر درج کروائیں یا برسرموقع تلگو یونیورسٹی پبلک گارڈن میں اتوار کو صبح 9 بجے حاضر ہو کر رجسٹریشن کروائیں ۔