ماسکو۔26 مئی ۔(سیاست ڈاٹ کام) فرانس میں یلو ویسٹ ریلی میں تین ہزار سے زائد لوگوں نے احتجاج میں حصہ لیا۔فرانس کی وزارت داخلہ نے کہا ہے کہ راجدھانی پیرس میں 1200 لوگوں سمیت ملک کے مختلف حصوں میں تین ہزار 200 لوگ یلو ویسٹ احتجاج میں ہفتہ کو شامل ہوئے ۔مقامی ٹی وی چینل کے مطابق، 18 مئی کو پیرس کے گیارہ سو افراد سمیت ملک بھر سے تقریبا دو ہزار 800 مظاہرین نے چند گھنٹوں تک مظاہرہ کیا تھا۔صوبہ کے شمالی سومے محکمہ کے مطابق 800 لوگ ، امیینس شہر میں ریلیوں میں شامل ہوئے ۔ منتظمین نے تقریبا دو ہزار افراد کے شامل ہونے کا دعوی کیاہے ۔ریلیوں کے دوران مظاہرین نے مقامی بینک اور کارلٹن ہوٹل کو نقصان پہنچایا، جس کے بعد پولیس نے مظاہرین کے خلاف آنسو گیس کا استعمال کیا۔ اٹھارہ لوگوں کو حراست میں لیا گیا اور دو کو گرفتار کر لیا گیا ہے ۔گزشتہ سال نومبر کے وسط میں، ایندھن ٹیکس میں اضافے کے خلاف فرانس میں یلو ویسٹ ریلیوں کو منظم کرنے کا آغاز ہوا تھا۔ اس کے بعد، فرانسیسی حکومت نے ایندھن ٹیکس بڑھانے اور ملک کی سماجی اقتصادی حیثیت کو بہتر بنانے کے لئے دوسرے اقدامات کئے تھے ۔
