ہونٹ چہرے کا سب سے خوبصورت حساس اور پرکشش حصہ ہیں اور یہ چہرے کی خوبصورتی اور رعنائی میں بنیادی کردار ادا کرتے ہیں ۔ ہونٹوں کو گلاب کی پنکھڑیوں سے تشبیہ دی جاتی ہے اور لعل یاقوت بھی کہا جاتا ہے ۔ میک اپ کئے ہوئے چہرے میں سب سے نمایاں حصہ ہونٹوں کا ہوتا ہے ۔ اس لئے ہونٹوں کا میک اپ کرتے وقت ان باتوں کا خاص خیال رکھیں ۔ (1) لب اسٹک ہمیشہ نرم ہاتھوں سے لگائیں ۔ اگر ہونٹوں کی بناوٹ زیادہ ابھری ہوئی ہوتو ہونٹوں کے اندر اسی طرح کی لائین بنانا مشکل ہے ۔ لپ اسٹک کا رنگ چہرے کے نچلے حصے کو اجاگر کرتا ہے ۔
دلہن کے میک اپ یا کسی تقریب میں شرکت کرنے کیلئے میک اپ کرتے وقت گہرے رنگ کا انتخاب موزوں ہوگا ۔ جب کہ معمر خواتین کیلئے روزمرہ کی ضروریات یا باہر جاتے وقت اور خصوصاً دن میں ہر وقت لپ اسٹک کا ہلکا رنگ استعمال کرنا مناسب ہے ۔ لپ اسٹک کا بڑا فائدہ یہ ہے کہ ان کی مدد سے ہونٹوں کو موسچرائزر مہیا ہوجاتا ہے اور ہونٹوں پر چمک پیدا ہوجاتی ہے ۔ (2) لپ اسٹک خریدتے وقت اس کے رنگ اور شیڈ کا بلش آن اور فاؤنڈیشن کے شیڈ کے ساتھ مناسبت قائم کریں تاکہ ہونٹوں کا اور چہرے کا رنگ مل سکے ۔ اگر آپ گلابی رنگ کی فاؤنڈیشن اور گلابی بلش لگا رہی ہیں تو ضروری ہے کہ لپ اسٹک کا رنگ بھی گلابی ہی ہو ۔ لپ اسٹک منہ اور ہونٹوں کی مناسبت سے بھی لگائی جاتی ہے ۔ لپ اسٹک
لگاتے وقت اپنے ہونٹوں کے کناروں پر پنسل کی لکیر لگائیں یا نہ لگائیں آپ بغیر لائین کے بھی لپ اسٹک لگاسکتی ہیں کیونکہ اس صور ت میں آپ کے اپنے ہونٹوں کی لائین ہی بہت ہوگی ۔ آپ کو چاہئے کہ پہلے پنسل سے ہونٹوں کی لائین کو واضح کرلیں اور پھر اس کے اندر لپ اسٹک لگائیں ۔ ایک بات کا خاص خیال رکھیں کہ بے وجہ اپنے ہونٹوں کی قدرتی ساخت کو تبدیل نہ کریں ۔ ان پر احتیاط سے آوٹ لائین کریں ۔ (3) لپ اسٹک لگانے کے بعد ہونٹوں کو ٹشو پیپر سے صاف کرلیجئے اور لپ گلوز کا استعمال کیجئے اس سے ہونٹوں پر چمک آئے گی ۔ لپ اسٹک لگانے سے پہلے تھوڑے فاؤنڈیشن کا استعمال کرلیں اس سے چہرے کی جھریاں غائب ہوجائیں گی ۔ لپ اسٹک لگانے کے بعد خیال رکھیں کہ وہ کھانے پینے کے دوران یا کسی اور صورت میں اترنے نہ پائے ورنہ آپ کے ہونٹ بہت بدنما لگیں گے ۔