جموں، 28 فروری (سیاست ڈاٹ کام) بھارتیہ جنتا پارٹی (بی جے پی) جموں وکشمیر یونٹ کے صدر ست شرما نے کہا کہ ریاست میں جنگجویت اور علیحدگی پسندگی کا وسرجن کرنے کی ضرورت ہے ۔ انہوں نے کہا کہ ریاست میں آزادی کے وقت اور اس سے پہلی کی فضا قائم کرنے کی ضرورت ہے ۔ ست شرما نے چہارشنبہ کے روز یہاں ترکوٹہ نگر میں واقع بی جے پی دفتر میں منعقدہ ہولی ملن تقریب کے موقع پر نامہ نگاروں سے بات کرتے ہوئے کہا ‘ہولی رنگوں، پھولوں اور پیار کا تہوار ہے ۔ وقت کی ضرورت ہے کہ ہم سب مل کر جنگجویت کا وسرجن کریں۔ علیحدگی پسندگی، گندگی ، ذات پات ، ایسی کئی برائیاں ہیں، کا وسرجن کرتے ہوئے جموں وکشمیر کو شانتی کی طرف لے جانی کی ضرورت ہے ۔ آج ریاست کو امن کی راہ پر گامزن کرانے کی ضرورت ہے ‘۔ انہوں نے کہا ‘جس طرح کی صورتحال آزادی کے وقت اور اس سے پہلی تھی، اس کی بحالی کی ضرورت ہے ۔ کشمیر کا ماحول جس طرح خراب ہوگیا ہے اور سرحدوں پر کشیدگی ہے ، اس کے پیش نظر ہم بھگوان سے دعا کریں گے کہ ریاست امن اور ترقی کی طرف گامزن ہو’۔
