نئی دہلی 30 ستمبر ( سیاست ڈاٹ کام ) وزیر اعظم نریندر مودی نے آج کاویری آبی تنازعہ پر آج ایک اجلاس منعقد کیا ۔ کاویری کے پانی کی تقسیم کے مسئلہ پر کرناٹک اور ٹاملناڈو کے مابین تنازعہ چل رہا ہے ۔ اجلاس میںآج کچھ وزرا اور عہدیدار شریک تھے جہاں کئی امکانات کا جائزہ لیا گیا تاکہ اس مسئلہ کو حل کیا جاسکے ۔ کل مرکزی حکومت نے دونوں ریاستوں کا ایک اجلاس طلب کیا تھا تاکہ اس مسئلہ کا کوئی حل دریافت کیا جاسکے تاہم اس میں کوئی کامیابی نہیں ہوسکی تھی ۔
