امیتھی ۔ یکم مئی (سیاست ڈاٹ کام) پرینکا گاندھی نے آج ایس پی جی کا صیانتی حصار توڑ دیا اور ضلع امیتھی کے علاقہ تلوئی میں انتخابی مہم چلانے روانہ ہوگئیں۔ اعلیٰ ترین حفاظتی محکمہ اسپیشل پروٹیکشن گروپ کی جانب سے پرینکا گاندھی کو تحفظ فراہم کیا جارہا ہے۔ کانگریس کی انتخابی مہم چلانے والی مشہورشخصیت جب گوری گنج کے قریب گاندھی نگر پہونچیں تو اپنی کار سے اُتر گئیں۔ ایس پی جی کے ارکان عملہ کو اپنے پیچھے آنے سے روک دیا اور انتخابی مہم چلانے کے لئے تلوئی روانہ ہوگئیں۔ تاہم یو پی پولیس کا عملہ اُن کے ہمراہ تھا۔
