اسلام آباد،18اکتوبر (سیاست ڈاٹ کام) پاکستان کے جنوب۔مغربی شہر کوئٹہ میں ہوئے ایک بم دھماکہ میں کئی پاکستانی فوجیوں کے مارے جانے کی خبر ہے ۔مقامی نیوز چینلوں کے مطابق یہ دھماکہ فوج کے ایک ٹرک کو نشانہ بناکر کیا گیا۔ اس ٹرک میں فوجی سوار تھے ۔نیوز چینلوں نے دھماکہ کے بعد فوج کے جلتے ہوئے ٹرک کا منظر دکھایا ۔ ٹیلی ویزن نیوز چینل ‘جیو نیوز’ کے مطابق اس بم دھماکہ میں کم از کم سات پاکستانی فوجی مارے گئے ہیں۔ وہیں ایک دیگر نیوز چینل ‘اے آر وائی نیوز’ نے مرنے والوں کی تعداد 6 بتائی ہے۔
