اوسلو ۔26 مئی ۔(سیاست ڈاٹ کام) ناروے کی وزارت خارجہ نے کہا وہ اگلے ہفتے وینزویلا کے سیاسی بحران میں شامل اہم سیاسی رہنماؤں کے درمیان مذاکرات کا ایک اور دور منعقد کریگی۔ ناروے نے گزشتہ ہفتے وینزویلا کے اپوزیشن لیڈر جوآن گوائیڈو کے قاصدوں اور صدر نکولس مادرو کے نمائندوں کے درمیان جنوبی امریکی ملک کے بحران کو بات چیت کے ذریعے ختم کرنے کی کوششوں کی میزبانی کی تھی۔ وزارت نے ہفتہ کو ایک بیان میں کہاکہ ہم اعلان کرتے ہیں کہ وینزویلا میں اہم سیاسی رہنماؤں کے نمائندوں نے ناروے میں اس کی طرف سے دستیاب کرائے گئے پلیٹ فارم کے تحت اگلے ہفتے بحث کو جاری رکھنے کا فیصلہ کیا ہے۔ وزارت نے وینزویلا کے سیاسی بحران میں شامل فریقوں کے درمیان بات چیت کی حمایت جاری رکھنے کے عزم کا اعادہ کیا اور بحث میں آپ کی کوششوں کے لئے وینزویلا کے پارٹیوں کی تعریف کی۔ مادرو نے وینزویلا کی سیاسی پارٹیوں کے درمیان بات چیت کیلئے اچھا ماحول پیدا کرنے کے کوششوں کیلئے ناروے کا شکریہ ادا کیا۔وینزویلا جنوری میں اس وقت بحران میں گھر گیاجب گوائیڈونے خود کو ملک کا عبوری صدر قرار دیا۔امریکہ اور اس کے ساتھیوں نے گوائیڈو کی حمایت کی اور مادرو کو اقتدار چھوڑنے کے لئے کہا۔
وزیر خارجہ ایران کی وزیراعظم عراق سے ملاقات
ماسکو۔26 مئی ۔(سیاست ڈاٹ کام) امریکہ ساتھ بڑھتی ہوئی کشیدگی کے درمیان ایرانی وزیر خارجہ محمد جواد ظریف نے عراقی وزیر اعظم عادل عبدالمہدی سے ملاقات کرتے ہوئے دو طرفہ تعلقات پر تبادلہ خیال کیا۔عراقی حکومت نے بتایا کہ ہفتے کی شام جواو ظریف نے عراقی عادل عبدالمہدی سے بغداد میں ملاقات کی۔
اس دوران دونوں رہنماؤں نے دو طرفہ تعلقات، اس خطے کی ترقی اور دنیا کی صورتحال پر تبادلہ خیال کیا۔ مئی 2018 ء میں جوہری معاہدے سے امریکی صدر ڈونالڈ ٹرمپ کے نکلنے کے اعلان کے بعد ایران اور امریکہ کے درمیان کشیدگی ہے ۔