مذہبی خبریں

نواسہ حضرت شیخ الاسلام ؒ سید مصطفی قادری کا جدہ میں انتقال
حیدرآباد ۔ 25 ۔ اپریل : ( پریس نوٹ ) : جناب سید مصطفی قادری نواسہ حضرت شیخ الاسلام سید محمد بادشاہ حسینی قادریؒ کا 24 اپریل منگل کو جدہ سعودی عرب میں قلب پر حملہ کے باعث انتقال ہوگیا ۔ مرحوم کے فرزند محمود سید مصطفی قادری کے بموجب آج بعد نماز مغرب اماں حوا قبرستان جدہ میں تدفین عمل میں آئی ۔ مرحوم کی غائبانہ نماز جنازہ قادری چمن میں 25 اپریل کو بعد مغرب مولانا سید حسن ابراہیم حسینی قادری سجادہ نشین قادری چمن کی امامت میں ادا کی گئی ۔ اسی اثناء میں مولانا پیر سید شبیر نقشبندی افتخاری ( وارث سرکار وطن ؒ چشتی چمن ) نے جناب سید مصطفی قادری کے سانحہ ارتحال پر دلی رنج و غم کا اظہار کرتے ہوئے کہا کہ مرحوم اپنی ماں کی آغوش سے ہی عشق نبویؐ سے سرشار تھے اور برسوں تک حرم کعبہ کی حاضری اور سرکار مدینہ کے روضہ اطہر کی زیارت سے مشرف رہے ۔ مولانا نقشبندی کی زیر نگرانی آج صبح اتحاد بھون بنجارہ ہلز میں آیات قرآنی کی تلاوت کی گئی ۔ مرحوم کے لیے خصوصی دعائے مغفرت کی اور فاتحہ خوانی کا اہتمام کیا گیا ۔۔

عرس شریف
حیدرآباد ۔ 25 ۔ اپریل : ( راست ) : عرس شریف حضرت سید محمد ابراہیم عارف اللہ شاہ قادری چشتی نقشبندی سہروردیؒ ، عیسیٰ میاں بازار عقب مسجد مینارپٹی میں 29 اپریل کو مقرر ہے ۔۔

درس قرآن مجید
حیدرآباد ۔ 25 ۔ اپریل : ( راست ) : بیت الخیر کامپلکس چوتھی منزل انجمن گراونڈ ملے پلی میں جمعرات 26 اپریل کو بعد نماز مغرب ڈاکٹر محبوب فرید سلسلہ وار درس قرآن دیں گے ۔ جناب محمد شمس الدین اسلامی لٹریچر پیش کریں گے ۔۔

مجلس عزاء
حیدرآباد ۔ 25 ۔ اپریل : ( راست ) : انجمن عزا داران پنجشنبہ کے جشنوں کا سلسلہ جمعرات 26 اپریل شام 7 بجے سے صدر انجمن محمد اسحاق علی کے مکان دارالشفاء سے آغاز ہوگا ۔ حاجی علی حسین باقری حسین نگر کالونی ، طیب علی عاشور خانہ الحسین جام باغ ، میر حسین علی خاں زوار ( مرحوم ) ، قیصر منزل ، عابد علی خاں والا جاہی و جعفر علی الاوہ سرطوق ، سید رضا حسین نقوی پرانی حویلی ، آغا علی آفندی چھتہ بازار ، عباس علی فرید احاطہ کمال یار جنگ ، بارگاہ شبیر زہرا نگر ، پنجہ شاہ ولایت ، عاشور خانہ قدم رسول میں نائب صدر میر معظم حسین خاں رضوی کے جشن کے بعد جشنوں کے سلسلہ کا اختتام ہوگا ۔۔