بالوں کو صحتمند اور چمکدار بنانے کیلئے آج کل شیمپوز کا استعمال عام ہے ۔ نیز مارکٹ میں بھی تمام قسم کے شیمپوز دستیاب ہیں ۔ لیکن اس بات پر غور کرنا ضروری ہے کہ کیا واقعی وہ آپ کے بالوں کیلئے صحیح ہیں ؟ کیا کبھی اس بات پر آپ نے توجہ دی ؟ اگر نہیں تو اپنے بالوں کی قسم اور ضرورت کے مطابق کونسا شیمپو آپ استعمال کرنا چاہتے ہیں ۔
اس بارے میں کچھ مشورے حسب ذیل میں پیش کئے جارہے ہیں ۔ ٭ اگر آپ بالوں کو صبح دھوتی ہیں اور دوپہر تک آپ کے بال آئیلی نظر آتے ہیں تو اس کا مطلب ہے کہ آپ کے بال آئیلی ہیں اور آپ کو اس قسم کے بال کیلئے مخصوص شیمپو استعمال کرنے کی ضرورت ہے کیونکہ اس میں امونیم لوریل سلفیٹ کی مقدار زیادہ وتی ہے ۔ جو آپ کے سر کی جلد سے اضافی تیل کو نکالنے میں مدد کرتا ہے ۔ ٭ اگر آپ بہت سارے اسٹائل پروڈکٹس استعمال کرتی ہیں تو آپ کو کلیرفائنگ شیمپو استعمال کرنا چاہئے ۔ یہ آپ کے بالوں کی جڑوں تک صفائی کرتا ہے اور اسٹائل پروڈکٹس میں استعمال کئے گئے کیمیکل کے اثرات کو بھی کم کرتا ہے ۔ ٭ کلر ریفریشر شیمپو نباتاتی ڈائی سے بناہوتا ہے اور آپ کے بالوں کے رنگ کو طویل وقت تک برقرار رکھنے میں مدد کرتا ہے ۔ یہ بالوں کو قدرتی چمک دینے کی بھی خاصیت رکھتا ہے ۔ ٭اگر آپ نے جلد ہی ہئیر کلر کروایا ہے اور آپ اس کی چمک کو برقرار رکھنا چاہتی ہیں تو ایسا شیمپو استعمال کریں جس میں الٹراوائلٹ فلٹرس ہوں ۔ یہ آپ کے بالوں کو سورج کی تمازت محفوظ رکھے گا ۔