کولکتہ ،28 اپریل ( یواین آئی) آدھی آبادی کو نمائندگی کا موقع دینے کے معاملے میں دیگر پارٹیوں کے مقابلہ میں ترنمول کانگریس(ٹی ایم سی ) سب سے آگے ہے اور اس نے لوک سبھا انتخابات کے لئے مغربی بنگال میں اس بار بھی 41 فیصد نشستیں خواتین کو دی ہیں۔گزشتہ لوک سبھا انتخابات میں ترنمول کانگریس کے 34 ممبران پارلیمنٹ منتخب ہوئے تھے جن میں خواتین ارکان پارلیمنٹ کی تعداد 12 تھی۔پارٹی نے اس بار 17 خواتین امیدوار انتخابی میدان میں اتارے ہیں۔ ریاست میں کانگریس نے سات خواتین کو امیدوار بنایا ہے اور دوسرے نمبر پر ہے ۔ جبکہ بھارتیہ جنتا پارٹی نے پانچ خواتین کو ٹکٹ دیا ہے . ترنمول کانگریس نے جن خواتین کو امیدوار بنایا ہے ، ان میں فلمی ہستیاں اور تھیٹر آرٹسٹ شامل ہیں. اس کی طرف سے انتخابی میدان میں اترنے والی خواتین امیدواروں میں- من من سین (آسنسول)، شتابدی رائے (ویربھوم)، ارپتا گھوش (بیلورگھاٹ)، موسم بے نظیر نور (مالدہ شمالی)، اپوروا سرکار ( بیرام پور)، مہوا موئترا (کرشنا نگر)، روپالي وشواس (راناگھاٹ)، ممتاز سنگھ مترا (بردوان-درگاپور)، ممتابالا ٹھاکر ( بنگاؤں)، اپروپا پوددار (آرام باغ)، کاکولي گھوش دستیدار (باراسات)، نصرت جہاں (بشیرھاٹ)، پرتیما منڈل (جے نگر)، ممی چکرورتی (جادو پور)، مالا رائے (کولکتہ جنوبی)، رتنا ڈے ناگ (ہگلی) اورساجدہ احمد (الوبیریا) اہم ہیں۔لوک سبھا انتخابات میں ترنمول کانگریس نے کچھ نئے چہروں کو بھی موقع دیا ہے . پہلی بار الیکشن لڑ رہی خواتین امیدواروں میں موسم بے نظیر نور، اپوروا سرکار، مہوا موئترا، ممی چکرورتی اور مالا رائے شامل ہے . محترمہ مہوا موئترا ترنمول کانگریس کی ترجمان اور موجودہ رکن اسمبلی ہے اور لوک سبھا انتخابات لڑنے کا یہ ان کا پہلا موقع ہے ۔ انہوں نے 2016 میں کریم نگر اسمبلی سیٹ سے الیکشن لڑا تھا اور 1972 سے بائیں بازو کا گڑھ رہے اس سیٹ پر قبضہ کیا. مہوا کے خلاف بی جے پی نے سابق فٹبالر کلیان چوبے کو الیکشن میں اتارا ہے ۔پارٹی نے 10 خواتین کو دوبارہ موقع دیا ہے . ان میں من من سین، شتابدی رائے ، ارپتا گھوش، ممتاز سنگھ مترا، ممتا بالا ٹھاکر، اپروپا پوددار، کاکولي گھوش دستیدار، م پرتیما منڈل، رتنا ڈے ناگ اور ساجدہ احمد موجودہ ایم پی ہیں۔موجودہ ایم پی محترمہ کاکولي گھوش دستیدار ترنمول کانگریس کی خاتون ونگ کی صدر بھی ہیں ۔ ویربھوم میں شتابدی رائے جیت کی ہیٹ ٹرک لگانے کے لئے زور لگا رہی ہے ۔
جبکہ مارکسی کمیونسٹ پارٹی (سی پی ایم) کے گڑھ رہے بانکرا میں ترنمول کانگریس کا جھنڈا گاڑ چکی من من سین اب بی جے پی کے قبضے والی آسنسول میں پارٹی کا پرچم لہرانے کے لیے پر عزم دکھائی دے رہی ہیں۔
