حیدرآباد۔30اکتوبر(سیاست ڈاٹ کام) وسطی خلیج بنگال میں ہوا کا کم دباؤ مزید کمزور پڑ گیا ہے اور جنوب مغرب کی سمت پیش رفت کررہا ہے ۔ اس کے زیر اثر ساحلی آندھراپردیش کے کئی مقامات پر بارش ہوئی۔ گزشتہ 24گھنٹوں کے دوران نیلور میں سب سے زیادہ 27ملی میٹر بارش ہوئی ۔ حیدرآباد میں موسم ابر آلود رہا ۔ دفتر محکمہ موسمیات نے کہا کہ آئندہ 24گھنٹوں کے دوران ساحلی آندھرا اور رائل سیما میں کئی مقامات پر بارش کا امکان ہے ۔ تلنگانہ کے بیشتر علاقوں میں موسم ابر آلود رہے گا ۔