نئی دہلی۔ ائیرانڈیا کے اے ائی۔101نے 11ستمبر کو نئی دہلی سے نیویارک کے لئے آڑان بھر ی تھی لیکن وہ جان ایف کینڈی ائیر پورٹ پر نہیں اتر سکے۔اسکے باوجود پائیلٹ 370مسافرین کی زندگی بچانے میں کامیاب رہے۔
ہوائی جہاز کے پائیلٹ اور کوپائیلٹ نے اس واقعہ کے متعلق اپنے تجربے کی تفصیلات پیش کرتے ہوئے کہاہے کہ ان کے اور 370مسافرین کی زندگی بڑے خطرے میں تھی۔ آڑان کے دوران پائیلٹ کو بہت ساری مصیبتوں کا سامنا کرنا پڑا۔
جو ان کے لئے کسی خوفناک خواب سے کم نہیں تھا۔ہوائی جہاز کے آڑان بھرنے کے ساتھ ہی اس کا سسٹم میں ناکامی ‘ خراب موسم اور کم ایندھن جیسی مصیبتوں کا سامنا کرنا پڑا تھا۔
اتنی مصیبتوں کے باوجود بھی ائیرانڈیا کے پائیلٹ نے ہار نہیں مانی اور ہوائی جہاز میں موجود 370لوگوں کی محفوظ طریقے سے ائیر پورٹ تک پہنچایا۔
ہوائی جہاز کو نیو یارک کے ائیر پورٹ پر اتارنا پڑا تھا۔رپورٹ کے مطابق پائیلٹ نے ہوائی جہاز میں درپیش تمام مسائل کی جانکاری نیویارک ائیر ٹریفک کنٹرول کو دی تھی۔
پائلٹ نے دہلی سے بنا توقف کے پندرہ گھنٹوں تک ہوائی جہاز کو آڑایا تھا۔انہو ں نے لینڈنگ کے مقرر مدد کے لئے ڈیزائن کی گئی مدد کے بغیر ہوائی جہاز آڑایا تھا۔پائلٹ نے بتایا کہ ’’لینڈنگ سے عین قبل تمام مسافرین اور پائلٹ آسمان میں پھنس گئے تھے۔
ہم لوگ رابطے پر کنٹرول کے معاملے میں پوری طرح ناکام ہوگئے تھے۔
اٹولینڈنگ کی تکنیک نے بھی کام کرنا بند کردیاتھا۔ اب نو سال پرانے ہوائی جہاز کے پائلٹ کے پاس ہاتھوں سے لینڈنگ کا راستہ ہی بچا تھا۔ میڈیارپورٹس کے مطابق ائیر انڈیا نے واقعہ کے بعد جانچ کے احکامات جاری کردئے ہیں۔
ائیر انڈیا ترجمان کا کہنا ہے کہ ’پائلٹ سیفٹی ڈپارٹمنٹ معاملہ کی جانچ کررہا ہے۔ائیر انڈیاکے پائلٹ نے کامیابی کے ساتھ حالات پر قابو پالیا ہے۔ پائلٹ کا کہنا ہے کہ اس طرح کے حالات سے نمٹنے پر ائیر انڈیاکوئی خاص پیش کش نہیں کرتا۔