ممبئی ۔ 30 ۔ جون (سیاست ڈاٹ کام) نیشنل ایوارڈ یافتہ اداکارہ ودیا بالن نے کہا کہ کیریئر کے عروج پر ہونے کے باوجود انہیں آج تک بالی ووڈ کے خانس کے مقابل کسی رول کی پیشکش نہیں کی گئی ہے ۔ جاسوسی فلم ’’بابی جاسوس‘‘ میں ودیا بالن نئے اداکار علی فضل کے ساتھ نظر آئیں گی جس کی ز یادہ تر شوٹنگ حیدرآباد کے پرانے شہر میں ہوئی ہے ۔ ودیا بالن کا کہنا ہے کہ وہ مسالہ فلموں میں کاسٹ کئے جانے میں دلچسپی نہیں رکھتیں۔ علاوہ ازیں انہیں خانس کے ساتھ کام کرنے کی کمی محسوس نہیں ہوتی ۔ کوئی ایسی اسکرپٹ ہو جس میں ان کیلئے جاندار رول ہو تو وہ ضرور کریں گی ۔ وہ یہ کبھی نہیں دیکھتیں کہ ان کے مد مقابل ہیرو کون ہے ۔
