حیدرآباد۔29جون (یواین آئی) ملک میں مینوفیکچرنگ کمپنیوں کی ترقی اور چھوٹے تاجروں کے لئے طریقہ کار کی حوصلہ افزائی کرنے فیڈریشن آف انڈین چیمبرس آف کامرس اینڈ انڈسٹری (فکی ) 30جون کو شہر حیدرآباد کی ہوٹل گرین پارک میں ورلڈ کلاس مینوفیکچرنگ2017 کانفرنس و نمائش کا اہتمام کرے گی۔ اس کانفرنس کا مقصد تیاری کے شعبہ میں عصری طریقہ کار سے متعلق معلومات حاصل کرنا ہے ۔ کانفرنس میں مختلف کمپنیوں کے ماہر مقررین خطاب کریں گے ۔ وہ پروڈکشن ‘لاجسٹکس’ کوالیٹی ‘ دیکھ بھال ‘ سپلائی چین اور دیگر شعبوں میں اختیار کردہ بہتر طریقہ کار سے واقف کروائیں گے ۔