کچن میں برتن دھوتے ہوئے اکثر دیکھا ہے کہ سنگ میں پانی جمع ہوجاتا ہے اور نالی میں تنکے ڈال کر لوگ پانی نکالتے ہیں۔ ہوتا یوں ہے کہ سبزیاں ، گوشت اور چکنے برتن دھوتے ہوئے بہت سے چھوٹے چھوٹے ٹکڑے نالی کے اندر جاراسے تنک کردیتے ہیں ۔ اس کا آسان اور آزمودہ ٹوٹکہ یہ ہے کہ کپڑے دھونے والا سوڈا جو بہت ہی سستا مل جاتا ہے ، وہ ایک بڑا چمچ بھر کر نالی کے سوراخوں کے اوپر رکھیں اور کیتل میں پانی اُبال کر اُبلتے ہوئے پانی کو سوڈے پر ڈالیں ۔ تمام نالی صاف ہوجائے گی اور سنک میں برتن دھوتے ہوئے پانی جمع نہیں ہوگا ۔ دوسرا ٹوٹکہ اسی مقصد کیلئے یہ ہے کہ ایک پیالی سرکہ نالی میں ڈالیں اور پھر اوپر کھولتا ہوا پانی ڈالیں ۔ مگر سرکہ مہنگا ہوتا ہے لہذاسوڈے جیسی سستی شئے سے جب مقصد حل ہوسکتا ہے تو پھر سرکہ ضائع کیوں کریں ۔ گھر میں ہمیشہ پاؤ یا آدھ کلو کپڑے دھونے والا سوڈا منگواکر رکھیں ۔ کئی ٹوٹکوں میں یہ استعمال ہوگا بہت معمولی قیمت میں مل جاتا ہے ۔
