پیارے بچو! براعظم افریقہ دنیا کا دوسرا سب سے بڑا براعظم ہونے کے علاوہ دنیا کا دوسرا سب سے زیادہ آبادی والا براعظم بھی ہے ۔ افریقہ بہت سے رازوں کا امین بھی ہے کیونکہ یہاں مختلف قبائل آباد رہے ہیں ۔ آفریقہ سے بہت سے ایسے حقائق بھی وابستہ ہیں جن سے بہت کم لوگ واقف ہیں ۔ ایسے ہی چند حقائق دئے جارہے ہیں ۔
٭ افریقہ کو دنیا کے سب سے بڑے جانور ہاتھی کا گھر کہا جاتا ہے کیونکہ یہاں بہت بڑی تعداد میں ہاتھی پائے جاتے ہیں ۔
٭ افریقہ ژرافوں کے گھر کے حوالے سے بھی مشہور ہے ۔
٭ افریقہ اور یورپ کا درمیانی فاصلہ بمشکل صرف 14 کیلومیٹر کا ہے ۔
٭ افریقہ میں بہت کم ایسا پانی پایاجاتا ہے جو پینے کے قابل ہو ورنہ زیادہ تر پانی ابال کرہی استعمال کیا جاتا ہے ۔
٭ براعظم افریقہ میں روزانہ تقریباً 96 ہاتھی قتل کردئے جاتے ہیں ۔
٭ دریائی گھوڑے کو اس براعظم کا سب سے مہلک جانور قرار دیا جاتا ہے ۔
٭ گنیز بک آف ورلڈ ریکارڈ کے مطابق براعظم افریقہ کا ملک زمبابوے 16 سرکاری زبانوں کا مالک ہے جو کہ کسی بھی ملک کی سب سے زیادہ سرکاری زبانیں ہیں ۔
٭ کیا آپ یقین کریں گے کہ پوری دنیا کا تقریباً آدھا سونا صرف جنوبی افریقہ کے ایک چھوٹے سے مقام witwatersrand سے حاصل کیا جاتا ہے ۔
