نئی دہلی، 30 مئی (سیاست ڈاٹ کام ) بحریہ سربراہ ایڈمرل سنیل لامبا چار دہائی سے بھی زائد وقت تک خصوصی سروس کے بعد جمعہ کو ریٹائر ہو جائیں گے ۔ وائس ایڈمرل کرم بیر سنگھ ان کی جگہ بحریہ کی کمان سنبھالیں گے ۔ بحریہ کے 23 ویں سربراہ رہنے والے ایڈمرل لامبا نے کیریئر کے مختلف پڑاؤمیں قومی دفاعی اکیڈمی کھڑگواسلا، ڈیفنس سروس اسٹاف کالج ویلنگٹن، دفاعی منیجمنٹ کالج سکندرآباد اور لندن واقع رائل کالج آف ڈیفنس اسٹڈیز سے تربیت لی۔ 1978 ء میں، کمیشن کے بعد، وہ مختلف عہدوں پر رہتے ہوئے نیوی چیف کے سب سے اعلی عہد تک پہنچنے ۔ سمندر میں مختلف کردار میں تعیناتی کے ساتھ ساتھ انہیں آپریشن، تربیت اور ٹرائی سروس میں خاصا طویل تجربہ رہا ہے ۔ایڈمرل لامبا نے اپنی میعاد میں بحریہ میں آپریشن، تربیت اور تنظیمی سطح پر کئی اہم تبدیلی کی ۔
