واشنگٹن 20 اپریل (سیاست ڈاٹ کام ) فلوریڈا کے 39 سالہ فرد کلیس نے وائس میل میں فلسطینی نژاد رشیدہ طلیب سمیت تین ڈیموکریٹس ارکان کو قتل کی دھمکیاں دیں۔ اس شخص کو گرفتار کرلیا گیا ہے ۔ ملزم نے صومالی نژاد رکن الہان عمر کے خلاف بھی تعصب پر مبنی کلمات کہے۔ قبل ازیں عمر کے خلاف صدر ٹرمپ بھی ایک غیر ذمہ دارانہ ٹوئیٹ کرچکے ہیں جس کے بعد سے وہ خود کیلئے خطرہ محسوس کررہی ہیں اور انہیں دھمکیوں اور نفرت آمیز بیانات بھی مل رہے ہیں۔
