بی جے پی کے 40اسٹارقائدین چلائیں گے انتخابی مہم
لکھنؤ 28، فروری (سیاست ڈاٹ کام ) اترپردیش میں گورکھپور اور پھول پور سیٹ پر ہو رہے ضمنی انتخابات کے لئے بھارتیہ جنتا پارٹی (بی جے پی) نے آج اپنے اسٹار پرچارکوں کی فہرست جاری کی ہے ۔ضمنی انتخابات کے لیے بی جے پی صدر امت شاہ اور ریاست کے وزیر اعلی یوگی آدتیہ ناتھ سمیت 40 قدآور لیڈروں کو شامل کیا گیا ہے ۔ بی جے پی کی اسٹار پرچارکوں کی فہرست کو الیکشن کمیشن طرف سے منظوری دے دی گئی ہے ۔ بی جے پی کی ضمنی انتخابات کی ریلیوں میں صدر امت شاہ اور وزیر اعلی یوگی آدتیہ ناتھ کے علاوہ وزیر داخلہ راج ناتھ سنگھ اوم ماتھر، صوبہ بی جے پی صدر مہندر ناتھ پانڈے اور تنظیمی جنرل سکریٹری سنیل بنسل کے نام بھی شامل ہیں۔ وزیر اعلی یوگی آدتیہ ناتھ نے پیر اور منگل کو گورکھپور سے بی جے پی امیدوار اپیندر دت شکلا کے لئے بہت سی عوامی ریلیوں سے خطاب کیا۔مسٹر یوگی نے اس ضمنی انتخابات کو 2019 میں ہونے والے لوک سبھا انتخابات کاریہر سل بتایا ہے ۔
