یوگی ادتیہ ناتھ کا بیان تاج محل’ ہندوستان کا گوہر‘ بی جے پی کی منومنٹ کے خلاف اب بھی بیان بازی

by

اگرہ۔تاج محل کو ’’ ہندوستان کا گوہر‘‘ قراردیتے ہوئے چیف منسٹر اترپردیش یوگی ادتیہ ناتھ نے آج کہاکہ مغل دور کا یہ تاریخ منومنٹ’’ ہماری ثقافت کا بہترین نمونہ ہے‘‘ اور حکومت اس کی حفاظت کے لئے سنجیدہ بھی ہے۔یہاں پر سرکاری انٹر کالج کی ایک تقریب سے خطاب کرتے ہوئے یوگی ادتیہ ناتھ نے تاج محل کے مسلئے کو سیاسی رنگ دینے کا الزام عائد کرتے ہوئے اپوزیشن کو اپنی تنقید کا نشانہ بنایا۔ریالی سے مخاطب ہونے سے قبل ادتیہ ناتھ نے تاج محل کے باہر کی سڑک پر جھاڑو لگائی اور تاج محل کا بھی دورہ کیاتاکہ ہندوستانی ہرٹیج کے متعلق جاری تنازع سے پیدا شدہ بحران کو ختم کیاجاسکے۔دنیا کی سب سے مشہور عوامی مقام تاج محل جس کو محبت کی نشانی کہاجاتا ہے کا بی جے پی کے پہلے چیف منسٹر نے پارٹی لیڈرس ‘ منسٹرس کے متنازع بیان بازیوں کے باوجود دورہ کیا۔

ریالی کے میڈیارپورٹرس سے بات کرتے ہوئے یوگی ادتیہ ناتھ نے کہاکہ ’’ دوسرے کیاکہتے ہیں لوگ اس کی طرف توجہہ نہیں دیتے۔تاج محل ہماری ثقافت کا حصہ ہے جس کی حفاظت کے لئے حکومت سنجیدہ ہے‘‘۔ ریالی سے خطاب کے دوران ادتیہ ناتھ نے کہاکہ ’’ ہم اس کی گہری میں نہیں جانا چاہتے کہ کیوں ‘ کب اور کیسے تاج محل تعمیر ہوا‘ مگر ہمیں اس بات کی اہمیت ہے کہ اس کوہندوستان کے کسانوں مزدور کی محنت سے تیار کیاگیا ہے‘‘۔ انہوں نے کہاکہ ’’ تاج محل ایک ہندوستانی گوہر ہے جس کو دنیا کے لئے تحفہ کے طور پر پیش کیاگیاہے۔ دنیا کے لاکھو ں سیاح کو یہ اپنی طرف کھینچتا ہے۔اگرہ کو اس نے ایک پہچان دی ہے جس کی وجہہ سے روزگار کے موقع بھی فراہم ہوئے‘‘۔

ان کے اگرہ کے دورے پر اعتراض جتانے والے سے ادتیہ ناتھ نے کہاکہ لوگ اس طرح کے بیانات کے ذریعہ سماج کو مذہب کی بنیاد پر بانٹنے کا کام کررہے ہیں۔انہوں نے کہاکہ ’’ ایسے لوگ ریاست کی عوام ‘ حب الوطنی‘ جرم اور بدعنوانی میں ملوث کرکے ریاست کی ترقی میں رغنہ پیدا کرنے کی کوشش کرتے ہیں۔

جس کے لئے مجھے شرمندگی کا احساس ہوتا ہے‘‘۔ چیف منسٹر نے کہاکہ ’’ یہ لوگ ہمیشہ اگرہ کو نذر انداز کرتے رہے جب ہماری ٹورزم منسٹری شہر کو بین الاقوامی ٹورزم نقشہ میں شامل کرنے کاکام کررہی تھی۔ ادتیہ ناتھ نے کہاکہ اگرہ ایک منفرد شہر جہاں پر پانچ ہرٹیج سائیڈ موجود ہیں تاج محل‘ اگرہ فورٹ‘ فتح پور سیکری‘ سکندرا اور اعتماد الدولہ مقبرہ۔ادتیہ ناتھ نے کہاکہ یہ پانچ مقامات ٹورزم کے نہایت مقبول مقامات ہیں۔

چیف منسٹر نے بتایاکہ ہر روز چالیس تاپچاس ہزار ٹورسٹ اگرہ آتے ہیں جس میں بیرونی سیاح بھی شامل ہیں۔انہوں نے کہاکہ ’’ اگر ہم انفرسٹکچراو رسہولتوں کو فروغ دیں گے تو سیاحوں کی تعداد 2.5سے تین لاکھ تک پہنچ جائے گی۔

ہماری حکومت اگرہ کو بین الاقوامی ٹورسٹ ہب کے طور پر فروغ دینے میں کوشاں ہے۔ یہ ترقی نہ صرف سیاحت میں اضافہ کریگی بلکہ نوجوانو ں کوروزگار فراہم کرنے میں بھی مددگار ثابت ہوگا‘‘۔

ادتیہ ناتھ نے کہاکہ اترپردیش حکومت 235کروڑ کے ترقیاتی پروگرام کو قطعیت دینے جارہی ہے۔انہوں نے مزیدکہاکہ مبینہ طور پر سابق حکومت نے مجرموں اور غیرسماجی عناصرکی فلاح وبہبود کے لئے کام کیاہے۔