جھوٹے دعوؤں کا کبھی کوئی ثبوت فراہم نہ کرسکے
واشنگٹن ،11ستمبر(سیاست ڈاٹ کام )امریکی صدر ڈونالڈ ٹرمپ نائن الیون سے متعلق متنازعہ بیانات کی وجہ سے کئی بار ہدف تنقید بن چکے ہیں۔ امریکی میڈیا کی آج بھی ان پر نظریں ہیں کہ وہ حملوں کا دن آنے پر کیا کہیں گے ۔2001 میں ورلڈ ٹریڈ سینٹر پر حملہ کے وقت ٹرمپ ریڈیو سے گفتگو کر رہے تھے ، ٹرمپ ورلڈ ٹریڈ سینٹر کو چھوڑکر اپنی بلڈنگ کی بڑائی بیان کرنے لگے کہ مین ہیٹن میں فورٹی وال اسٹریٹ دوسری بلند عمارت تھی لیکن اب سب سے بلند بن گئی۔2013میں ٹرمپ نے عجیب و غریب ٹوئٹ کیا کہ 9/11کی خاص تاریخ پر وہ ہر ایک بشمول شکست خوردہ اور نفرت کرنے والوں کو بھی نیک خواہشات کا پیغام دیتے ہیں، بعد میں انہوں نے یہ ٹوئٹ ڈیلیٹ کر دیا۔2015 میں انتخابی ریلی کے دوران ٹرمپ نے جھوٹ گھڑا کہ ورلڈ ٹریڈ سینٹر گرتے وقت انہوں نے نیوجرسی سٹی میں ہزاروں لوگوں کو خوشیاں مناتے دیکھا، بعد میں انہوں نے جھوٹ یہ کہہ کر دوہرایا کہ خوشی منانے والے عرب اور مسلمان تھے اور بعد میں پولیس اور سٹی میئر جولیانی نے ان کے نفرت انگیز جھوٹ کی قلعی کھول دی۔ٹرمپ نے یہ شیخی بھی بھگاری کے ان کے سیکڑوں دوست نائن الیون حملوں میں جدا ہوگئے ، لیکن وہ آج تک کسی ایک کا نام نہیں بتاسکے ۔2017 میں ایک انٹرویو کے دوران ٹرمپ نے کہا تھا کہ ان کے ٹی وی شوز 9/11کی نشریات سے زیادہ دیکھے جاتے ہیں۔
