پریڈ میں فوج ، نیم فوجی تنظیموں ، دہلی پولیس ، این سی سی ، این ایس ایس کے دستوں اور بیانڈس کی شرکت
نئی دہلی۔ 26جنوری (سیاست ڈاٹ کام) ملک کی عظیم فوجی طاقت، تاریخی ثقافتی ورثہ اور کثرت میں وحدت کی شاندار روایت کی آج راج پتھ پر یوم جمہوریہ پریڈ میں خوبصورت جھلک دکھائی دی جس میں پہلی بار آزاد ہند فوج (آئی این اے ) کے سابق فوجیوں نے بھی حصہ لیا۔سترویں یوم جمہوریہ کی اہم تقریب راج پتھ پر ہوا۔ جنوبی افریقہ کے صدر سیرل رامافوسا تقریب کے مہمان خصوصی تھے اور یوم غیر مقیم ہندوستانی تقریب میں حصہ لینے آئے لیڈروں کو بھی اس کے لئے خاص طور پر مدعو کیا گیا تھا۔ دارالحکومت میں سیکورٹی کے چاق چوبند انتظامات کئے گئے تھے اور پریڈ کے مقامات ، آس پاس کی عمارتوں کی چھتوں پر شارپ شوٹر اور ان سے متصل علاقوں کے چپے چپے پر سیکورٹی اہلکار تعینات کئے گئے تھے ۔اس سے پہلے وزیر اعظم نریندر مودی، وزیر دفاع نرملا سیتا رمن اور تینوں افواج کے سربراہان نے انڈیا گیٹ واقع امر جوان جیوتی پر جاکر شہیدوں کو خراج عقیدت پیش کیا۔ اس کے بعد، وزیراعظم سلامی پلیٹ فارم کے قریب صدر رامناتھ کووند اور تقریب کے مہمان خصوصی مسٹر رامافوسا سے ملے ۔ صدر نے سلامی پلیٹ فارم پر قومی جھنڈا لہرایا جس کے بعد انہیں 21 توپوں کی سلامی دی گئی اور فوج کے ایم آئی -17 ھیلی کاپٹرو ں نے راج پتھ پر پھولوں بارش کی جس ناظرین کی خوشی کا ٹھکانا نہیں رہا۔ صدر نے جموں و کشمیر میں دہشت گردوں سے لوہا لیتے ہوئے شہید ہونے والے فوج کے لانس نائک نذیر احمد وانی کی بیوہ محترمہ مہہ جبیں کو امن عہد کا اعلی ترین اعزاز اشوک چکرسے نوازا ۔ اس دوران راج پتھ پر ماحول جذباتی ہو گیا۔فوج کے دہلی ہیڈکوارٹر ریجن کے جنرل آفیسر کمانڈنگ لیفنٹنٹ جنرل اور پریڈ کمانڈر است مستری اور ان کے بعد دہلی ہیڈکوارٹر ریجن کے چیف آف اسٹاف میجر جنرل اور پریڈ کے سیکنڈ ان کمانڈ راج پال پونیا نے صدر کو سلامی دی۔ اس کے بعد، تین پرم ویر چکرا فاتحین اور پانچ اشوک چکر فاتحین بھی سلامی پلیٹ فاورم کے سامنے سے گزرے۔(سلسلہ صفحہ 5 پر)