چین کے وزیر خارجہ کیساتھ اجلاس میں شرکت
ووژین۔27 فروری (سیاست ڈاٹ کام) چین کے دورے پر گئیں وزیر خارجہ سشما سوراج نے چین کے شہر ووژین میں بدھ کو چینی وزیر خارجہ وانگ یی سے دو طرفہ بات چیت کی۔مسز سوراج یہاں روس، ہندوستان اور چین (آرائی سی) کے وزراء خارجہ کی 16 ویں میٹنگ میں شرکت کریں گی۔سہ فریقی گروپ آرآئی سي کے وزراء خارجہ کی اسٹریٹجک طور پر اہم میٹنگ میں مشاورت کے ایجنڈے میں دہشت گردی کا مسئلہ سب سے اوپر ہو گا۔چین میں ہندوستان کے سفیر وکرم مشري نے مسز سوراج کے پہنچنے پر ان کا استقبال کیا۔منگل کو پاکستان کے بالاکوٹ میں دہشت گردوں کے ٹھکانوں کے خلاف ہندوستان کی ایک بڑی کارروائی کے بعد یہ مسز سوراج کا پہلا بیرون ملک دورہ ہے ۔آرآئی سی کی سہ فریقی میٹنگ کے علاوہ مسز سوراج کی روسی وزیر خارجہ سرگئی لاؤروف کے ساتھ دو طرفہ بات چیت کا بھی امکان ہے ۔بین الاقوامی برادری کو یقین دہانی کرائی کہ وہ اسلام آباد کے ساتھ کشیدگی کو اور نہیں بڑھانا چاہتا ہے ۔
وزیر خارجہ سشما سوراج نے چین کے شہرووژن میں روس- ہندوستان-چین (آرآئی سی) گروپ کے وزرائے خارجہ کی 16 ویں میٹنگ سے خطاب کرتے ہوئے کہا‘‘ محترم حاضرین ، یہ (بالاکوٹ کارروائی) فوجی مہم نہیں تھی، کسی بھی فوجی اہداف کو نشانہ نہیں بنایا گیا ہے‘‘۔ اس کارروائی کا محدود مقصد دہشت گرد تنظیم جیش محمد کے ٹھکانوں کے خلاف فیصلہ کن قدم اٹھانا تھا۔ ہندوستان کشیدگی کو اور نہیں بڑھانا چاہتا ہے ۔ہندوستان مسلسل ذمہ داری اور تحمل کے ساتھ کام کرتا آ رہا ہے ‘‘۔مسز سوراج نے کہا کہ جیش محمد کاکردار (پلوامہ واقعہ میں) قبول کرنے سے پاکستان کے ‘مسلسل انکار’ کے بعد ہی حکومت ہند نے یہ قدم اٹھانے کا فیصلہ کیا۔انہوں نے کہا‘‘نشانہ سب سے بڑے دہشت گرد کیمپ کو بنایا گیا اور کسی بھی شہری کو ہلاک نہیں ہونے دیا گیا’’۔خیال رہے منگل کو پاکستان کے بالاکوٹ میں دہشت گردوں کے ٹھکانوں کے خلاف ہندوستان کی ایک بڑی کارروائی کے بعد یہ مسز سوراج کا پہلا غیر ملکی دورہ ہے ۔