ہائی جیک کی دھمکی کے بعد حیدرآباد‘ ممبئی اور چینائی ائیرپورٹس پر سیکورٹی میں اضافہ

by

دہلی: ایجنسی کی جانب سے ہوائی جہاز کے اغواء کے متعلق خدشات کے متعلق اطلاعات فراہم کرنے کے بعد تین بڑے ہوائی اڈوں ممبئی‘ حیدرآباد اور چینائی ائیرپورٹس پر سیکورٹی میں اضافہ کردیا گیا ہے۔

عہدیداروں نے بتایاکہ ممبئی پولیس کو پچھلی رات ایک ای میل دستیاب ہواجس میں خاتون کا ذکر ہے ۔

عہدیداروں نے کہاکہ ای میل میں اس بات کا ذکر کیاگیا ہے کہ ایک عورت چھ لڑکوں سے بات کررہی ہے جس میں ان سہولتوں کا فائدہ اٹھاتے ہوئے ہوائی جہاز اغواء کرنے کی بات کررہی ہے۔ممبئی پولیس نے خفیہ اداروں اور سیکورٹی ایجنسیوں کو ای میل کے متعلق واقف کروایا۔

انہوں نے کہاکہ ائیرپورٹ کے تمام اسٹیک ہولڈرس کے ساتھ ایک میٹنگ منعقد کی گئی ۔سی ائی ایس ایف ڈائرکٹر جنرل او پی سنگھ نے اس بات کی تصدیق کی کہ ائیرپورٹس کی سیکورٹی میں اضافہ کیاگیا ہے۔

انہوں نے کہاکہ آج صبح سے مسافرین کی تلاشی اور ان کے سامان کی جانچ کے لئے ائیر پورٹ آنے اور جانے والی ہر گاڑی کی اچھی طرح جانچ کی جارہی ہے ‘ انہوں نے کہاکہ تلاشی مہم میں سنٹرل انڈسٹریل سکیورٹی فورسس کی خدمات سے بھی استفادہ اٹھایاجارہا ہے

۔سی ائی ایس ایف نے سراغ رساں کتوں کا اسکاڈ کا بھی ائیر پورٹس پر طلب کرلیاہے۔

انہوں نے مزیدکہاکہ تاہم مسافرین کو ڈرنے گھبرانے کی کوئی ضرورت ہے ۔انہوں نے مسافرین سے تلاشی کرنے والی ٹیم سے تعاون برتنے کی بھی مسافرین او رائیر پورٹس آنے والوں لوگوں سے اپیل کی ہے۔

ای میل کے مواد کی جانچ کے ساتھ ای میل بھیجنے والوں کے متعلق پولیس نے تحقیقات کا آغاز بھی کردیا ہے