ویڈیو: ایس پی او نے لڑکے سے بات کرنے کے شبہ میں لڑکی کے ساتھ کی پٹائی

پٹنہ: پولیس اور قانون عوام کی حفاظت کے لئے بنایا جاتا ہے مگر اب یہ عوام کے دشمن بنتے جارہے ہیں۔ یہاں پر پیش ائے ایک شرمناک واقعہ نے ریاست بہار کو ہلاکر رکھ دیا ہے۔

انہیں موثر تحفظ فراہم کرنے کے بجائے یہ ’’ انسانیت کے محافظ‘‘ خود قانون ہاتھ میں لیکر فیصلے کررہے ہیں۔ضلع نالندہ کے قریب قومی شاہراہ 110پر ایک ایس پی او( اسپیشل پولیس افیسر) نے فون پر کسی لڑکے سے بات کرنے کہ شک میں سڑک سے گذر رہی لڑکی کے ساتھ بری طرح مارپیٹ کی ۔

ایس پی ایو دھننجئے کمار نے لڑکی کے عقب سے آکر متعدد مرتبہ اس کو روکا اور اس کئی مرتبہ اس پر حملے کرکے زمین پر گرا دیا۔سیل فون سے لئے گئے اس ویڈیو میں صاف طور پر دیکھا جاسکتا ہے کہ ایس پی او بے رحمی کے ساتھ لڑکی کو پیٹ رہا ہے اور بالوں پکڑ کر لڑکی کو گھسیٹ بھی رہا ہے۔

سڑک سے گذرنے والے سینکڑوں لوگ تماشائی بن کر اس واقعہ کو دیکھ رہے ہیں کسی میں ہمت نہیں ہے کہ وہ لڑکی کے ساتھ ایس پی او کی بدسلوکی کو روک سکیں۔ویڈیو وائیرل ہونے کے بعد ایس پی او کو فی الفور برطرف کرتے ہوئے واقعہ پر تحقیقات شروع کی گئی ہے