کشن گنج : معروف عالم دین ، ملی سماجی او رکشن گنج کے رکن پارلیمنٹ مولانا اسرار الحق قاسمی کا جمعہ کی رات ۷۶؍ سال کی عمر میں اچانک قلب پر حملہ کے باعث انتقال ہوگیا ہے ۔ پسماندگان میں تین بیٹے دو بیٹیاں ہیں ۔ مرحوم کی نماز جنازہ تعلیم آباد ٹیپو کشن گنج میں ان کے قائم کردہ ملی گرلس اسکول کے احاطہ میں ادا کی گئی او رمقامی قبرستان میں تدفین عمل آئی ۔ مولانا قاسمی کی نماز جنازہ میں بڑی تعداد میں لوگ شریک تھے ۔
مولانا اسرار الحق قاسمی انتقال سے چند گھنٹے قبل ہی اپنے قائم کردہ مدرسہ دارالعلوم صفہ میں ایک پروگرام سے خطاب کرکے لوٹے تھے ۔ بعد ازاں وہ تہجد کے لئے نیند سے بیدار ہوئے اور وضو کرنے کے بعد نماز کی تیاری کررہے تھے اچانک دل کا دورہ پڑا اور موت واقع ہوگئی ۔ مولانا قاسمی کے انتقال سے کوئی گوشوں میں غم کی لہر دوڑ گئی ۔ مولانا کے انتقال پر کئی سیاسی شخصیات نے تعزیتی پیام ارسال کئے ۔ صدر جمہوریہ ہند رام ناتھ کووند نے اپنے تعزیتی پیام میں کہا کہ کشن گنج کے لوک سبھا رکن محمد اسرار الحق کے انتقال کی خبر سے دکھ ہوا ہے ۔ صدر جمہوریہ نے پسماندگان کے ساتھ اظہار ہمدردری کیا ہے۔ وزیر اعظم نریندر مودی نے بھی ٹوئیٹر پر اپناتعزیتی پیام ارسال کیا ہے ۔
جس میں انہوں نے کہاکہ انہیں مولانا اسرار الحق قاسمی کے انتقال گہرا دکھ پہنچا ہے۔ میں پسماندگان کے غم میں برابر کا شریک ہوں ۔
Sad to learn of the passing of Mohammad Asrarul Haque, MP (LS) from Kishanganj, Bihar. Condolences to his family, constituents and colleagues #PresidentKovind
— President of India (@rashtrapatibhvn) December 7, 2018
Saddened by the passing away of Shri Mohammad Asrarul Haque, the Lok Sabha MP from Kishanganj in Bihar. My thoughts are with his family and supporters in this hour of grief: PM @narendramodi
— PMO India (@PMOIndia) December 7, 2018