ملک میں آج بھگوان رام کے نام پر ووٹ مانگے جارہے ہیں اور اس کے تباہ کن نتائج برآمد ہوسکتے ہیں۔ ووٹ مجھے اور مودی جی کو چاہیے، اللہ یا بھگوان رام کو نہیں:فاروق عبداللہ

فاروق عبداللہ گزشتہ شام یہاں نامہ نگاروں سے گفتگو کررہے تھے۔ انہوں نے رام مندر کی تعمیر سے متعلق ایک سوال کے جواب میں کہا ‘نیشنل کانفرنس رام مندر کے خلاف نہیں ہے۔ رام پوری دنیا کے رام ہیں۔ اگر وہ پوری دنیا کے رام ہیں تو وہ ساروں کے رام ہیں۔ اس لئے ہم کبھی رام مندر کے خلاف نہیں رہے ہیں۔ مگر یہ کیس سپریم کورٹ میں ہے۔

سپریم کورٹ سے جو کوئی فیصلہ آئے گا، ہم اسے قبول کرنے کے لئے تیار ہیں۔ جو لوگ رام مندر کی تعمیر کی بات کررہے ہیں، وہ دوسرے لوگوں کے ساتھ مل بیٹھ کر کوئی راہ نکال لیں، ہم اس کے ساتھ بھی ہیں۔ ہم چاہتے ہیں کہ یہ جھگڑا ختم ہوجائے۔ یہ جھگڑا ملک کو برباد کرے گا’۔