سدھو اپنے دوست عمران خان کو سمجھائیں : ڈگ وجئے سنگھ ، نوجوت سنگھ کامیڈی شو ’’دی کپل شرما شو‘‘ سے بھی برطرف 

by

نئی دہلی: پلوامہ حملے میں متنازعہ بیان کے بعد تنقیدوں کا نشانہ بن رہے ہیں پنجاب حکومت کے و زیر نوجوت سنگھ سدھو کو ان کی پارٹی کانگریس کے ہی سینئر لیڈر ڈگ وجئے سنگھ نے نصیحت دیتے ہوئے کہا کہ وہ اپنے دوست پاکستان کے وزیر اعظم عمران خان کی وجہ سے انہیں گالیاں مل رہی ہیں وہ اپنے دوست کو سمجھائیں ۔

ڈگ وجئے سنگھ نے ٹوئیٹ کے ذریعہ سے عمران خان سے کہا کہ وہ ہمت کا مظاہرہ کرتے ہوئے دہشت گردی کے اصل سرغنوں حافظ سعید او رمسعود اظہر کوہندوستان کے حوالہ کردے ۔ انہوں نے سدھو سے کہا کہ سدھو جی اپنے دوست عمران بھائی کو سمجھائیں ۔ ٹیلی ویزن کے کامیڈی شو ’’ دی کپل شرما ‘‘ شو سے بھی انہیں ہٹا دیا گیا ہے ۔ مسٹر سنگھ نے کہا کہ میں جانتا ہوں کہ مودی بھکت مجھے اس پر ٹرول کریں گے لیکن میں اس کی پرواہ نہیں کرتا ۔ انہوں نے کہا کہ عمران خان مجھے کرکٹ کھلاڑی کے طور پر پسند ہیں لیکن وہ مسلم سخت گیروں او رآئی ایس آئی حمایت یافتہ گروپوں کی حمایت کررہے ہیں ۔ انہوں نے کہا کہ ہمیں ایک دوسرے پر الزام تراشی کے بجائے اپنے سیاسی اختلافات کو بھلا کر ایک ساتھ آگے آنا چاہئے ۔

مسٹر سنگھ نے کہا کہ کشمیر میں پھر سے فرقہ وارانہ ہم آہنگی قائم کرنا چاہئے ۔