رام جاز کالج تشدد: اے بی وی پی کی مخالفت پر کارگل شہید کی بیٹی کو عزت لوٹنے کی دھمکی

by

نئی دہلی:حالیہ عرصہ میں وائیرل ہوئی اکھیل بھارتیہ ویدیا پریشد کی خلاف سوشیل میڈیا پر چھیڑی گئی مہم کی محرک دہلی یونیورسٹی کی طلبہ نے اتوار کے روزبتایا کہ انہیں عزت لوٹنے کی دھمکیاں دی جارہی ہیں۔

لیڈی شری رام رام کالج کی طلبہ اورکارگل شہید مندیب سنگھ کی بیٹی گرمیت کورنے بتایا کہ ان کے ا س اقدام کے خلاف بے شمار نفرت آمیز پیغامات انہیں ملے ہیں۔

انہوں نے این ڈی ٹی وی کو بتایا کہ ’’ سوشیل میڈیا پر مجھے بہت ساری گالیاں او ردھمکیاں دی جارہی ہیں‘ میں سمجھتی ہوں یہ بہت خوفناک بات ہے کہ اگر کوئی آپ کو تشدد اور عزت لوٹنے کی دھمکیاں دیتا ہے‘‘۔

انہوں نے مزیدکہاکہ ’’ قوم پرستی کے نام پر‘‘ عزت لوٹنے کی دھمکی دینا اچھی بات نہیں ہے ۔ان کے اس تبصرے کو بڑی پیمانے پر بشمول دہلی چیف منسٹر ارویندکجریوال تائیدملی۔انہوں نے گرمیت کے پوسٹ کو شیئر کرتے ہوئے ٹوئٹ کیا کہ’’ ذراسنیں ‘ یہ بی جے پی ہے ۔

یہ لوگ ہمارے ملک کوتوڑنے کی کاکام کررہے ہیں‘ ہر ایک کو ان کی غنڈہ گردی کے خلاف آواز اٹھانے کی ضرورت ہے‘‘۔

نارتھ کیمپس مدبھیڑ کے بعد کور نے اپنے فیس بک پروفائل پکچر تبدیل کردی تھی جس میں وہ ہاتھ میں پلے کارڈ تھامے ہوئے ہے اور اس پر لکھا ہے کہ ’’ میں دیلی یونیورسٹی کی طالب علم ہوں۔ میں اے بی وی پی ڈرتی نہیں ہوں۔ میں اکیلی نہیں ہوں ۔ ہندوستان کا ہرطالب علم میرے ساتھ ہے ۔