نئی دہلی : دہلی او رقومی راجدھانی خطہ میں اتوار کی شام آندھی او ربارش سے ۲ افراد ہلاک ہوگئے ۔اور بھا ری نقصانات بھی ہوئے ہیں ۔دہلی اور اطراف کے علاقوں میں شام ۵؍ بجے اچانک موسم تبدیل ہوگیا او ردھول بھری آندھی چلنے لگی ۔
تیز ہواؤں کے سبب فضائی خدمات او رمیٹر ٹرین متاثر ہوئی ہیں او ربعض پروازوں کے اوقات میں تبدیلی آئی ہے ۔ہوا اتنی تیز تھی کہ درخت زمین سے اکھڑ گئے ۔ دہلی کے علاوہ نوئیڈا ، غازی آباد ، او رگروگرام میں بھی آندھی طوفان کے ساتھ بارش ہونے کی خبریں موصول ہوئی ہیں ۔
واضح رہے کہ محکمہ موسمیات نے ۱۳؍ او ر۱۴ ؍ مئی کو دہلی او راطراف میں آندھی کی پیشنگوئی کی تھی۔محکمہ موسمیات کے مطابق دہلی میں آنے والی آندھی کی رفتار ۵۰؍ سے ۷۰؍ کلو میٹر فی گھنٹہ تھی ۔