بالی ووڈ اداکارہ زرین خان کی کار سے حادثہ ، اسکوٹر سوار کی موت

by

شمالی گوا کے انجونا بیچ کے نزدیک ایک اسکوٹر سوار بالی ووڈ اداکارہ زرین خان کی کار سے ٹکرا گیا ۔ اس حادثہ میں بائیک سوار کی موت ہوگئی ہے ۔ یہ واقعہ بدھ کو دیر رات پیش آیا ۔ موصولہ اطلاعات کے مطابق نتیش گورل ( 31) نام کے شخص کا اسکوٹر زرین کے انووا کار سے ٹکرا گیا ۔

اس زور دار ٹکر میں نتیش کے سر پر سنگین چوٹ آئی تھی ۔ انہیں نزدیک میں واقع مپوسا کے اسیلو اسپتال میں بھرتی کروایا گیا ، جہاں ان کی موت ہوگئی ۔

معاملہ کی جانچ کررہے پولیس اہلکاروں نے بتایا کہ اس حادثہ کے وقت زرین خان اور ان کا ڈرائیور علی عباس گاڑی میں موجود تھے ۔ ان کا ڈرائیور یوٹرن لے رہا تھا اور اسی وقت یہ ٹکراو ہوگیا ۔ اب اس معاملہ میں دفعہ 304 کے تحت زرین خان کے ڈرائیور کو گرفتار کرلیا گیا ہے ۔ لیکن زرین خان کے خلاف کوئی معاملہ درج نہیں کیا گیا ہے ۔

ممبئی مرر کی رپورٹ کے مطابق زرین کی ٹیم کا دعوی ہے کہ زرین کی گاڑی کھڑی تھی اور جس وقت یہ حادثہ پیش آیا ، اسکوٹر سوار نے ہیلمٹ نہیں پہنا ہوا تھا ۔ ٹکراو کے بعد زرین خان ہی زخمی شخص کو اسپتال لے کر گئیں ۔