اب یوپی حج ہاوز کی عمارت پر بھگوا رنگ

by

لکھنو۔جمعہ کے روز لکھنو میں حج ہاوز کے باہر کی دیواروں کو بھگوا رنگ کردیاگیا۔عام طور پر بھگوارنگ کا تعلق ہندوازم اور اشٹریہ سیوم سیوک سنگ( آر ایس ایس) سے منسلک ہے۔

واقعہ پر ردعمل پیش کرتے ہوئے اترپردیش کے وزیرمحسن رضا نے کہاکہ یہ اقدام کوئی تنازع کھڑا کرنے کے لئے نہیں بلکہ زعفرانی رنگ خوبصورتی کے لئے کیاگیاہے۔

رضا نے اے این ائی سے کہاکہ’’اس میں کوئی تنازع کھڑا کرنے کے لئے نہیں ہوں‘ زعفرانی رنگ تقویت پہنچاتا ہے اور نظروں کو چاک وچوبند کردیتا ہے‘ مذکورہ عورت خوبصورت لگ رہی ہے۔ اپوزیشن کے پا س ہمارے خلاف کوئی بڑا مسئلہ نہیں ہے لہذاوہ اس قسم کے غیرضروری باتوں کو اجاگر کررہے ہیں‘‘۔

تاہم اپوزیشن نے دعوی کیاہے کہ بی جے پی نے پھر ایک مرتبہ مبینہ طور پر ریاست کو ’’ بھگوا رنگ‘‘ میں تبدیل کررہی ہے۔قبل ازیں سکریٹریٹ کی عمارت ‘ چیف منسٹر کے دفتر اور لکھنو میں اعلی عہدیداروں کے دفاتر کو بھی زعفرانی رنگ کیاگیا تھا۔یہا ں تک کہ چیف منسٹر یوگی ادتیہ ناتھ نے پچھلے سال پچاس زعفرانی بسوں کو ہری جھنڈی دیکھائی تھی۔