میکسیکو سٹی26جنوری (سیاست ڈاٹ کام ) میکسیکو کے ہڈالگو صوبے میں تیل پائپ لائن میں دھماکے سے مرنے والوں کی تعداد بڑھ کر 109 ہوگئی ہے ۔وزیرصحت جارج ایلسوسیرے نے جمعہ کو پریس کانفرنس میں کہ ہڈالکو انتظامیہ نے جمعرات رات کو بتایا کہ 102لوگوں کے مارے جانے کی اطلاع دی تھی اب یہ تعداد بڑھ کر 109 ہوگئی ہے ۔ حادثے میں جھلسنے والے 40 لوگوں کو میکسیکو، ہڈالکو اور میکسیکو سٹی کے مختلف اسپتالوں میں داخل کرایا گیا ہے ۔ اس کے ساتھ تین دیگر زخمیوں کو امریکہ کے ٹیکساس کے اسپتال میں بھیجا گیا ہے ۔قبل ازیں بتایا گیا تھا میکسیکو سوشل سیکورٹی انسٹی ٹیوٹ (آئی ایم ایس ایس) نے کہا کہ بدھ دیر رات اور جمعرات کی صبح ہوئے دھماکے میں جھلسنے سے چار لوگوں نے دم توڑ دیا جس کے بعد مرنے والوں کی تعداد بڑھ کر 100 تک پہنچ گئی ہے ۔ اس حادثے میں جھلسے لوگوں کا میکسیکو کے مختلف اسپتالوں میں علاج چل رہا ہے جس میں دو ادارے آئی ایم ایس ایس کے ہی ہیں۔آئی ایم ایس ایس نے اپنے جاری بیان میں کہا ‘‘ ادارہ تیل پائپ لائن دھماکے میں جھلسے 11 دیگر لوگوں کا علاج کررہا ہے ۔زیادہ تر زخمیوں کا علاج سینٹرل میکسیکو کے اسپتالوںمیں ہورہا ہے اور کچھ زخمیوں کو امریکہ کے اسپتالوں میں بھیجا گیا ہے ۔میکسیکو حکومت نے کہا ہے کہ وہ بری طرح جھلسنے والی لاشوں کی شناخت کرنے میں بین الاقوامی ماہرین کی حمایت منظور کرنے کے امکان سے انکار نہیں کر رہی ہے ۔مقامی انتظامیہ کے مطابق ہڈالگوصوبہ میں تیل پائپ لائن سے تیل رساؤ کے دوران ہوئے دھماکے کے وقت پائپ لائن سے 600 سے 800افراد تیل چوری کررہے تھے ۔
