سماج وادی اور بہوجن سماج پارٹیوں کے اتحاد پر مجلس اتحاد المسلمین کے یوپی ونگ کے صدر نے کیا اپنے رد عمل کا اظہار۔

مجلس کے اتر پردیش کے صدر شوکت علی نے بسپا اور سپا کے اتحاد پر اپنا رد عمل کا اظہار کرتے ہوئے کہا کہ انکا اتحاد بی جے پی کو ہرانے کے لئے نہیں ہے بلکہ اپنے وجود کو برقرار رکھنے کے لئے ہے، انہوں نے مزید کہا کہ مجلس اترپردیش کے انتخابات میں حصہ لے گی، کتنی سیٹوں پر مجلس لڑے گی اس کا فیصلہ صدر مجلس بیرسٹر اسدالدین اویسی کریں گے، صدر مجلس جو بھی فیصلہ کریں گے اس پر عمل کیا جائے گا، یہ پارٹی پورے اترپردیش کے 55 اضلاع میں کام کر رہی ہے، اور اسکے اراکین بلدیہ بھی یوپی سے چن کر آئے ہیں، انہوں نے مزید کہا کہ بی جے پی کو اگر کوئی شکست دے سکتا ہے تو وہ مجلس اتحاد المسلمین ہے اسکی واضح مثال تلنگانہ کے آنے والے انتخابات کے نتائج ہیں۔

Leave a Comment