بالی ووڈ میں دیوالی جوش و خروش سے منائی جارہی ہے ۔ 

نئی دہلی : سارا ہندوستان روشنی کا تہوار یعنی دیوالی جوش و خروش سے منانے جارہا ہے ۔ سوشل میڈیا پرلوگ ایک دوسرے کو دیوالی کی مبارکبادیاں دے رہے ہیں ۔ وہیں بالی ووڈ کے اسٹارٹوئیٹر اپنے شائقین کو مبار کباد دے رہے ہیں ۔ ڈائریکٹر پروڈیوسر کرن جوہر نے اپنے مداحوں کو دیوالی کی مبارکباد دیتے ہوئے کہا کہ میری طرف سے او رمیرے والدین کی جانب سے تمام لوگوں کو دیوالی بہت مبارک۔ ہم دعاگو ہیں کہ یہ سال کیلئے خوشخبری لائے ۔

انوپم کھیر نے دیوالی کے موقع پر اپنے مداحوں کو مبارکباد پیش کی ۔ انوپم کھیر جو ان دنوں امریکہ میں ہیں ۔ انہوں نے اپنے پیام میں لکھا کہ میرے پیارے ہندوستانیو! آپ سب کو دیوالی کو مبارکباد ۔ میں دعا کرتا ہوں کہ خدا آپ سب کی خواہشیں پوری کریں ۔ میں فی الحال اپنے ملک سے دور ہوں لیکن آپ لوگوں کے دل سے دور نہیں ۔

اداکار اجئے دیوگن نے بھی دیوالی کی مبارکباد پیش کی ۔ ان کی اہلیہ او ربالی ووڈ اداکارہ کاجول نے بھی اپنے مداحوں کو دیوالی کی مبارکباد پیش کی ۔

دو دن قبل شاہ رخ خان نے بھی اپنے گھر منت پردیوالی منائی تھی ۔ واضح رہے کہ دیوالی ملک میں سب سے زیادہ منائے جانے والا تہوار ہے ۔ اس میں تہوار میں ہندو لوگ اپنے گھروں کے باہر روشنی کے دئے جلاتے ہیں ، آپس میں مٹھائیاں تقسیم کرتے ہیں ، اور پٹاخے پھوڑتے ہیں ۔