آخر سمرتی ایرانی کی تعلیمی قابلیت کیاہے؟۔ ویڈیو

کانگریس ترجمان پرینکا چترویدی نے مرکز کی برسراقتدار بی جے پی حکومت پر فوج کے نام پر ووٹ بٹورنے کا الزام عائد کرتے ہوئے کہاکہ وزیراعظم نریندری مودی کے بشمول پارٹی کے تمام اعلی قائدین پر پلواماں دہشت گرد حملے میں انٹلیجنس ناکامی کو درکنار کرتے ہوئے خود کو شاباشی دے رہے ہیں۔

انہوں نے کہاکہ رافائیل معاہدے کو لے کر سپریم کورٹ کے فیصلے کے بعد ہم نے جو نعرہ لگایا ہے’’ چوکیدار چور ہے‘‘ وہ یقین میں بدلتا دیکھائی دے رہا ہے۔

پرینکا چترویدی نے امیتھی سے بی جے پی کی امیدوار سمرتی ایرانی کے تازہ حلف نامہ کا حوالہ دیتے ہوئے کہاکہ پچھلے تین الیکشن میں سمرتی ایرانی کی تعلیمی قابلیت بڑھنے کے بجائے کم ہوتی گئی ہے۔

انہوں نے مبینہ طورپر کہاکہ سمرتی ایرانی نے اپنے تازہ حلف نامہ میں اس بات کا اعتراف کیاہے کہ وہ اب تک اپنی تعلیمی قابلیت کو لے کر جھوٹ بولتی رہی ہیں۔

پرینکا چترویدی نے سمرتی ایرانی کی ڈگریوں کی کاپیاں بھی میڈیا کے سامنے پیش کرتے ہوئے ان سے مطالبہ کیا کہ وہ معافی مانگیں اور امیتھی سے اس جھوٹ کی وجہہ سے دستبرداری اختیار کرلیں۔

پرینکا چترویدی نے اس موقع پر سمرتی ایرانی کے مشہور ٹیلی ویثرن سیریل ’ ساس بھی کبھی بہوتھی‘ کے حوالے سے ایک گیت بھی یہاں پر سنایا او رکہاکہ جب منسٹرس ہی اس طرح کی جھوٹ کا سہارا لیں گے تو ان سے عوام کے لئے بہترکام کرنے کی توقع کس طرح کی جاسکے گی۔پیش ہے ویڈیو ضرور دیکھیں

Leave a Comment