حیدرآباد ۔ 8 ۔ جولائی : ( راست ) : پروفیسر ایس اے شکور ڈائرکٹر سی ای ڈی ایم کے بموجب محکمہ اقلیتی بہبود ، حکومت تلنگانہ کے زیر سرپرستی مرکز تعلیمی ترقی برائے اقلیتی طبقات (سی ای ڈی ایم ) جامعہ عثمانیہ کی جانب سے DEECET-2015 اردو میڈیم کے لیے حسب ذیل مراکز پر 22 جولائی تا 7 اگست مفت کوچنگ کا اہتمام کیا گیا ہے ۔ (1) مرکز تعلیمی ترقی برائے اقلیتی طبقات نظام کالج حیدرآباد ۔ (2) گورنمنٹ گورنمنٹ ہائی اسکول ظہیر آباد ، میدک (3) جونیر کالج فار بوائز ، قلعہ روڈ نظام آباد (4) گورنمنٹ گرلز ہائی اسکول اردو میڈیم ، مکرم پورہ ، کریم نگر (5) گورنمنٹ ہائی اسکول ( اردو میڈیم ) قاضی پورہ جگتیال کریم نگر ( 6 ) گورنمنٹ ہائی اسکول گرلز ( اردو میڈیم ، منیم چلکا ، نلگنڈہ ، (7) ڈائٹ محبوب نگر (8) گورنمنٹ ڈائٹ ، عادل آباد (9) گورنمنٹ گرلز ہائی اسکول پٹرول پمپ ہنمکنڈہ ورنگل ۔ ایسے اقلیتی امیدوار جو DEECET-2015 اردو میڈیم کے لیے رجسٹریشن کرواچکے ہیں ۔ حکومت کی جانب سے منعقد کی جانے والی مفت کوچنگ کے لیے 9 تا 20 جولائی اپنا نام دو پاسپورٹ سائز فوٹو گراف اور آن لائن فارم کی نقل کے ساتھ ان مراکز پر رجسٹر کرواسکتے ہیں ۔۔
