نئی دہلی 18 فروری (سیاست ڈاٹ کام) وزیر فینانس ارون جیٹلی نے آج کہاکہ ہندوستان کو بینکنگ کے شعبہ کے ذریعہ اپنی معیشت کو اونچائیوں تک پہنچانے کے لئے تھوڑے اور میگا بینکوں کی ضرورت ہے۔ 2017 ء میں 5 اسوسی ایٹس اور بھارتیہ مہیلا بینک کے ایس بی آئی کے ساتھ انضمام کے بعد حکومت نے رواں سال کے اوائل دینا بینک اور وجئے بینک کو بینک آف بڑودہ کے ساتھ ضم کرنے کی منظوری دے دی۔ جیٹلی نے کہاکہ ہندوستان کو چند ایسے میگا بینکس درکار ہیں جو طاقتور ہوںکیوں کہ ہر اعتبار سے ایسی بینکیں کافی مددگار ثابت ہوسکتی ہیں۔ چاہے قرض لینے کی شرحوں کا معاملہ ہو یا بینکوں سے زیادہ سے زیادہ مقاصد کیلئے استفادہ کرنا ہو۔حالیہ انضمام کے بعد پبلک سیکٹر کے بینکوں کی تعداد گھٹ کر 18 ہوگئی ہے۔
