کوالالمپور۔ 15 مئی (سیاست ڈاٹ کام) ملائیشیا کی پولیس نے چینائی اور بنگلور میں غیرملکی مشنس کو حملے کا نشانہ بنانے کا منصوبہ ناکام بنادیا اور ایک جنوبی ایشیائی مشتبہ شخص کو دہشت گرد سرگرمیوں کے سلسلے میں گرفتار کرلیا ہے۔ ڈپٹی انسپکٹر جنرل پولیس باقری زینین نے بتایا کہ یہ گرفتار شخص چینائی اور بنگلور میں غیرملکی قونصل خانوں پر حملوں کے منصوبے میں ملوث تھا۔ پولیس نے کوالالمپور کے قریب کپونگ میں کل دھاوا کرتے ہوئے ایک شخص کو گرفتار کیا ہے۔ اسپیشل برانچ انسداد دہشت گردی یونٹ گزشتہ ڈسمبر سے ان پر نظر رکھی ہوئی تھی، کیونکہ دہشت گرد حملوں کی منصوبہ بندی کا پہلے ہی پولیس کو علم ہوچکا تھا۔
