سڈنی ، یکم نومبر (سیاست ڈاٹ کام) آسٹریلیا میں اسلام مخالف شدت پسند رات کے اندھیرے میں دھوکا کھا گئے اور سکھوں کے گردوارہ کومسجد سمجھ کر نازیبا الفاظ لکھ گئے۔یہ کارروائی دو لڑکیوں نے کی جنہوں نے کالے لباس پہنے ہوئے تھے۔منظر عام پرآنے والی سی سی ٹی وی ویڈیو میں دیکھا جا سکتا ہے کہ دونوں لڑکیوں نے رات کے اندھیرے میں گردوارہ میں کارروائی کی اور ایک نے دوسرے کے کندھے پر چڑھ کر گردوارے کی دیواروں پراسپرے کی مدد سے اسلام مخالف نازیبا الفاظ لکھے۔ گردوارے کی انتظامیہ کا کہنا ہے کہ گردوارے کی عمارت کو جو نقصان پہنچایا گیا اس کی مرمت کیلئے 40 ہزار ڈالر کی رقم خرچ ہو گی۔
