واشنگٹن ۔ 15 اپریل (سیاست ڈاٹ کام) صدر امریکہ براک اوباما نے کیوبا کو دہشت گردی کی حمایت کرنے والے ممالک کی فہرست سے خارج کرنے کی حمایت کی ہے۔ ایک غیر ملکی خبررساں ایجنسی کے مطابق اوباما نے اس بات کا عندیہ دیا ہیکہ کیوبا کو ان ممالک کی فہرست سے خارج کیا جائے گا جن پر دہشت گردی کی سرکاری سر پرستی کے الزامات ہیں۔ اس سلسلے میں صدر اوباما نے ایک رپورٹ کانگریس کو بھجوادی ہے، جس میں انہوں نے کہا ہے کہ کیوبا نے گزشتہ چھ ماہ کے دوران عالمی دہشت گردی کے بڑھاوا دینے اور اس کی حمایت کیلئے کوئی قدم نہیں اٹھایا ہے لہٰذا اسے اس فہرست سے خارج کردیا جائے۔
