نیروبی ۔ 22 مئی (سیاست ڈاٹ کام) اسلامی بندوق برداروں نے شمال مشرقی کینیا کے ایک موضع پر دھاوا کرتے ہوئے ایک بار پھر تباہی مچائی۔ وزارت داخلہ کے ایک بیان کے مطابق صومالیہ کی قیادت والی القاعدہ سے مربوط شورش پسند جماعت الشباب کے بندوق برداروں کے حملوں میں کسی جانی نقصان کی کوئی اطلاع نہیں ہے۔ دوردراز کے اس موضع میں جو صومالیہ کی مخدوش سرحد کے قریب واقع ہے، سے کسی ہلاکت کی کوئی خبر نہیں ہے۔ دریں اثناء وزارت داخلہ کے ترجمان میونڈا جوکا نے ایک بیان جاری کرتے ہوئے کہا کہ سیکوریٹی فورسیس نے موضع یومبس پر بندوق برداروں کے حملے کو ناکام کردیا تھا۔
