سیئول۔5 دسمبر (سیاست ڈاٹ کام) جنوبی کوریا نے 18-20 دسمبر تک شمالی کوریا کے رہنما کم جونگ ان کے جنوبی کوریا کے دورے پر آنے کی اطلاع کی تردید کی ہے ۔جنوبی کوریا کے صدر کے ترجمان یون ینگ چن نے بدھ کو کہا‘‘شمالی کوریا کے رہنما مسٹر کم کے 18-20 دسمبر تک جنوبی کوریا دورے کی اطلاع درست نہیں ہے ، جیسا کہ صدر مون جے ان نے بتایا کہ ہم نے اس سال کے آخر میں اور اگلے سال کے آغاز میں ان کے دورے کا استقبال کریں گے ۔ یہ شمالی کوریا کے فیصلے پر منحصر ہے ’’۔قابل ذکر ہے کہ جنوبی کوریا کے صدر مون جے ان اور شمالی کوریا کے رہنما کم جونگ ان کے درمیان تیسری اور آخری ملاقات گذشتہ ستمبر میں ہوئی تھی۔ اس دوران دونوں ملک کی سرحد پر غیر فوجی علاقے کے قریب سے بڑے پیمانہ پر توپ اور فوجی طیاروں کو ہٹانے پر اتفاق کیا تھا۔ ساتھ ہی مسٹر کم نے کہا تھا کہ وہ آنے والے دنوں میں جنوبی کوریا کا دورہ کریں گے ۔مسٹر مون نے کہا ہے کہ مسٹر کم کے جنوبی کوریا کا دورہ سال کے آخر میں ہونے کا امکان ہے ۔
