کوالالمپور، 28 جولائی (سیاست ڈاٹ کام) ملائیشیا کی ہائی کورٹ نے آج کہا کہ شمالی کوریا کے لیڈر کم جونگ ان کے سوتیلے بھائی کم جونگ نام کے قتل کی ملزمین دو خواتین کے خلاف کیس کی سماعت 2 اکتوبر کو شروع ہوگی۔مسٹر نام کو گزشتہ 13 فروری کو کوالالمپور ایئرپورٹ پر ایک کیمیکل ‘وی ایکس’ کا استعمال کرکے قتل کر دیا گیا تھا۔ قتل کی دونوں ملزمین انڈونیشیا کی سیتي آسیہ (25) اور ویت نام کی ڈوان تھی ھونگو (28) کو آج ہائی کورٹ میں پیش کیا گیا۔عدالت نے معاملے کی سماعت کی تاریخ 2 اکتوبر طے کی ہے ۔ جرم ثابت ہوتا ہے تو انہیں سزائے موت دی جا سکتی ہے ۔
شمالی کوریا ایک بیحد خطرناک ملک : امریکہ
واشنگٹن، 28 جولائی (سیاست ڈاٹ کام) امریکہ میں فوج کے چیف آف اسٹاف جنرل مارک ملے نے آج کہا کہ شمالی کوریا کی جانب سے 4 جولائی کو داغا گیا بین براعظمی بیلسٹک میزائل امید سے زیادہ صلاحیت والا تھا اور اس سے پتہ چلتا ہے کہ شمالی کوریا مسلسل تیزی سے اپنے میزائل پروگرام میں توسیع کر رہا ہے ۔واشنگٹن میں نیشنل پریس کلب میں ایک پروگرام کے دوران انہوں نے کہاکہ شمالی کوریا کے نیوکلیئر اور میزائل پروگرام سے پیدا ہوئے حالات سے نمٹنے کے لئے ابھی فوجی متبادل بچا ہوا ہے لیکن وقت بہت تیزی سے گزر تا جا رہا ہے ۔ شمالی کوریا بہت خطرناک ملک ہے اور یہ مسلسل خطرناک ہوتا جا رہا ہے۔